ఆపిల్ సంస్థకు చుక్కలు చూపిస్తున్న తెలుగు అక్షరం! అన్ని డివైజ్లూ క్రాష్..
వాషింగ్టన్: టెక్ దిగ్గజం ఆపిల్కు ఓ తెలుగు అక్షరం చుక్కలు చూపిస్తోంది. ఆ సంస్థకు చెందిన ఐఫోన్ యూజర్లను 'జ్ఞా' అక్షరం కలవరపెడుతోంది. ఆపిల్ ఆపరేటింగ్ సిస్టమ్కు చెందిన కొన్ని వెర్షన్లలో తలెత్తిన బగ్ కారణంగా ఐఫోన్, ఐప్యాడ్, మ్యాక్ లాంటి ఆపిల్ డివైజ్లు క్రాష్ అవుతున్నాయి.
'జ్ఞా' అనే అక్షరాన్ని ఐఫోన్లకు పంపినా లేదా టెక్స్ట్ ఎడిటర్లో ఎంటర్ చేసినా అది క్రాష్ అవుతున్నట్లు గురించారు. ఈ మేరకు ఐఓఎస్ 11, మ్యాక్ ఓఎస్ హై సియెర్రా, వాచ్ ఓఎస్ 4, టీవీ ఓఎస్ 11ల్లో తలెత్తిన బగ్ను ఫిక్స్ చేస్తున్నట్లు ఆపిల్ కంపెనీ తెలియజేసింది.
పాత వెర్షన్లలో ఈ సమస్య లేదని, ప్రస్తుత ఓఎస్లోని బీటా ఆపరేటింగ్ సిస్టమ్లో ఈ బగ్ను ఫిక్స్ చేశామని కంపెనీ తెలిపింది. 'జ్ఞా' అక్షరాన్ని రిసీవ్ చేసుకోగానే ఐ మెసేజ్, వాట్సాప్, జీమెయిల్, ఫేస్బుక్ మెసేంజర్ లాంటి యాప్లు రెస్పాండ్ కావడం లేదని తెలుస్తోంది.
New iOS 11.2.5 bug: This Indian character will crash your iPhone and lock down the Messages app https://t.co/njdOVMbvJK pic.twitter.com/mP60RRdKPr
— Handility (@handility) February 15, 2018
If you get this message, DON'T open it: New iOS bug that displays an Indian character can crash iPhones and disable access to iMessages and WhatsApp #CyberSec
— Eroshan (@EroshanSec) February 15, 2018
'జ్ఞా' అక్షరాన్ని లేదా ఆ అక్షరం ఉన్న పూర్తి మెసేజ్ను డిలీట్ చేసేంత వరకూ యాప్స్ మొరాయిస్తున్నాయి. ఆ అక్షరాన్ని డిలీట్ చేశాకే తిరిగి మాములుగా పని చేస్తున్నాయి. మొబైల్ వరల్డ్ అనే ఇటాలియన్ బ్లాగ్ ఈ బగ్ గురించి తొలిసారిగా వెలుగులోకి తీసుకొచ్చింది.
Click it and Unblock the Notifications
Sign in with Google