చంపొద్దంటూ ప్రాధేయ‌ప‌డుతోన్న ఇజ్రాయెల్ యువ‌తి...వీడియో వైర‌ల్‌..

ఇజ్రాయెల్, పాలస్తీనా ఈరెండు దేశాల మ‌ధ్య యుద్ధ వాతావరణం నెలకొంది. ఇప్ప‌టికే హమాస్ ఉగ్రవాదుల రాకెట్ దాడుల్లో 300 మందికి పైగా ప్ర‌జ‌లు మ‌ర‌ణించిన‌ట్లు తెలుస్తోంది. అయితే తాజాగా, 25 ఏళ్ల యువ‌తి కిడ్నాప్ గుర‌య్యింది. ఆ అమ్మాయి కిడ్నాప్ గుర‌యిన‌ప్పుడు ద‌య‌చేసి న‌న్ను చంపొద్దు అంటూ ప్రాధేయ‌ప‌డింది. అదంతా వీడియో తీసి పోస్ట్ చేశాడు ఓ టెర్ర‌రిస్టు. ఇప్ప‌డు ఆ వీడియో కాస్త సోష‌ల్ మీడియాలో వైర‌ల్ అయ్యింది. హ‌మాస్ ఉగ్రవాదుల దాడుల‌తో ఎంద‌రో ఇజ్రాయిలీలు త‌మ ప్రాణాల‌ను పోగొట్టుకున్నారు. మ‌హిళ‌లు, చిన్నారులు అని కూడా చూడకుండా దారుణంగా వారిని హింసించి చంపేస్తున్నారు.

చంపొద్దంటూ వేడుకుంది : అయితే ఈ ఉగ్ర‌మూక దాడిలో ఇజ్రాయెల్‌కు చెందిన ఓ యువ‌తి కిడ్నాప్ గుర‌య్యింది. ఆమె పేరు నోవా అర్గ‌మ‌ని. ఆమె త‌న స్నేహితుల‌తో క‌లిసి స‌రాదాగా ఓ రేవ్ పార్టీక‌ని వెళ్లింది. ఎంతో సర‌దాగా, సంతోషంగా మ్యూజిక్ ఎంజాయ్ చేస్తూ ఉంది ఆ అమ్మాయి. అంత‌లోనే అక్క‌డికి వ‌చ్చిన ఉగ్ర‌వాదులు ఆ యువ‌తిని బ‌లవంతంగా ఎత్తుకెళ్లి బైక్‌పై తీసుకెళ్లారు.

ఆ స‌మ‌యంలో యువ‌తి ఎంత ప్రాధేయ‌ప‌డినా త‌న‌ని వ‌దిలి పెట్ట‌లేదు. ద‌య‌చేసి న‌న్ను వ‌దిలిపెట్టండి.. న‌న్ను చంపోద్దు అంటూ వేడుకుంది. అయినా వారి మ‌న‌సు క‌ర‌గ‌లేదు. ఆ యువ‌తి క‌న్నీళ్లు పెట్టుకున్న వీడియోను సోష‌ల్‌మీడియాలో పోస్ట్ చేశారు ఉగ్ర‌వాదులు. ఆమె ప‌క్క‌నే స్నేహితుడు ఉన్న‌ప్ప‌టికీ ఏమీ చేయ‌లేని స్ధితిలో ఉండిపోయాడు. ఎందుకంటే, ఉగ్ర‌వాదులు చుట్టుముట్టారు.

Noa was partying in the south of Israel in a peace music festival when Hams terrorists kidnapped her and dragged her from Israel into Gaza.

Noa is held hostage by Hamas.

She could be your daughter, sister, friend.#BringBackOurFamily pic.twitter.com/gi2AStVdTQ

— Hen Mazzig (@HenMazzig) October 7, 2023

కంప్లయింట్ ఇచ్చిన సోద‌రుడు : అయితే, అప్ప‌టికే ఉగ్ర‌వాదులు మ‌రో యువ‌తిని కూడా కిడ్నాప్ చేసిన‌ట్లు తెలిసింది. ఆ యువ‌తిని శారీర‌కంగా హింసించి, రేప్ చేసి, న‌గ్నంగా వీడియోలు తీశారు. ఆ వీడియోలను సోష‌ల్‌మీడియాలో పోస్ట్ చేసిన‌ట్లు తెలుస్తోంది. దీంతో నోవాకు ఎమవుతుందో న‌ని త‌న సోదరుడు మిస్సింగ్ కంప్ల‌యింట్ ఇచ్చాడు. దాంతో ఎమ‌ర్జ‌న్సీ టీమ్ అప్ర‌మ‌త్త‌మ‌య్యింది. అయినా, త‌న‌కు చాలా సార్లు కాల్ చేశాడ‌ని, తన కాల్ క‌ల‌వ‌డం లేద‌ని, త‌ను ఎలా ఉందో ఏంటోన‌ని సోద‌రుడు ఆందోళ‌న చెందుతున్నాడు.

English summary

There is an atmosphere of war between Israel and Palestine. But recently, a 25-year-old girl was kidnapped. When the girl was kidnapped she begged please don't kill me. A terrorist took a video and posted it. Now that video has gone viral on social media