శృంగారం సమయంలో: ప్రియురాలి మృతి, ఇజ్రాయెల్ ప్రియుడిపై కేసు

ముంబై/జెరూసలేం: ముంబైలోని ఓ హోటల్లో ఓ యువతి మృతి చెందిన కేసులో ఇజ్రాయెల్ దేశానికి చెందిన యువకుడిపై ముంబై పోలీసులు ఏడాది తర్వాత కేసు నమోదు చేశారు. భారత్ వచ్చిన నిందితుడు తన ప్రియురాలితో శృంగారం సమయంలో ఆమె ఊపిరాడకుండా చేశాడనే ఆరోపణలపై పలు సెక్షన్ల కింద కేసు నమోదు చేశారు.

ఓరియాన్ యాకోవ్ అనే 23 ఏళ్ల యువకుడు తన ఇరవై ఏళ్ల ప్రియురాలితో కలిసి గత ఏడాది టూరిస్ట్ వీసాపై భారత్ వచ్చాడు. వీరు ముంబైలోని ఓ హోటల్లో బస చేశారు. ఓ రోజు ప్రియురాలు అపస్మారకస్థితిలో ఉందని ప్రియుడు హోటల్ సిబ్బందికి చెప్పాడు. ఆమెను ఆసుపత్రికి తరలించారు. ఆమె మృతి చెందినట్లు వైద్యులు ప్రకటించారు.

అనుమానాస్పద మృతిగా పోలీసులు అప్పుడు కేసు నమోదు చేసుకున్నారు. కేసుకు సంబంధించి ఫోరెన్సిక్ రిపోర్టు ఇటీవల పోలీసుల చేతికి వచ్చింది. ఈ నివేదికలో సదరు ఇజ్రాయెల్ జంట శృంగారంలో ఉండగా యాకోవ్ ఆమె గొంతు గట్టిగా పట్టుకొని అసహజ శృంగారానికి పాల్పడటంతో ఊపిరి ఆడక మృతి చెందినట్లు తేలింది. దీంతో అతనిపై కేసు నమోదు చేశారు. నిందితుడు ఇజ్రాయెల్లో ఉన్నాడు.

English summary

The police has booked a 23 year old Israeli national in connection with the death of his girlfriend in a hotel last year, an official said on Tuesday.