పుతిన్ కుమార్తెని కోడలిగా చేసుకోవాలనుకున్న గడాఫీ

ట్రిపోలీ: లిబియా దివంగత నియంత ముమ్మార్ గడాఫీకి చెందిన ఆసక్తికరమైన విషయాన్ని అతని మాజీ సలహాదారు మొహమ్మద్ అబ్ద్ ఈల్ మోతాలెబ్ అల్ హోనీ వెల్లడించాడు. పొలిటికల్ మ్యారేజీతో రష్యా, లిబియాల మధ్య సయోధ్య కుదుర్చుకోవాలనుకున్నాడట.

రష్యా అధ్యక్షుడు వ్లాదిమిర్ పుతిన్‌తో వియ్యం అందేందుకు గడాఫీ తాపత్రయపడ్డాడు. తన రెండో కొడుకు సైఫ్ అల్ ఇస్లామ్ గడాఫీకి పుతిన్ కూతురుతో వివాహం జరిపించాలని గడాఫీ యత్నించాడు. పుతిన్‌తో భేటీ సందర్భంగా స్వయంగా గడాఫీ ఈ ప్రతిపాదన చేశాడు.

వారిద్దరి మధ్య పెళ్లి మన రెండు దేశాల మధ్య సంబంధాలు మరింత బలపడతాయని కూడా గడాఫీ వింత ప్రతిపాదన చేశారు. దానిని పుతిన్ తిరస్కరించాడు. మా అమ్మాయికి మీ అబ్బాయి తెలియదు అంటూ వ్లాదిమిర్ పుతిన్ తిరస్కరించాడు. ఈ విషయాన్ని గడాఫీ మాజీ సలహాదారు చెప్పాడు.

కాగా, గడాఫీ నడిరోడ్డుపై ప్రాణాలు విడవగా, ఆయన కుమారుడు సైఫ్ మరణ శిక్షకు గురై లిబియా పట్టణం జింటాన్‌లోని జైల్లో చివరి రోజులు లెక్కిస్తున్నాడు. నాటో సైన్యం దన్నుతో లిబియా తిరుగుబాటుదారులు 2011లో చేసిన దాడుల్లో బుల్లెట్లతో గడాఫీ నడిరోడ్డుపై ప్రాణాలొదిలాడు. అమెరికానే గడగడలాడించాడు.

English summary

Muammar Gaddafi tried to engineer a `political` marriage between his second son and planned heir and one of Russian president Vladimir Putin`s daughters, a former advisor to the late Libyan dictator has claimed.