న్యూయార్క్ అతలాకుతలం- ఎమర్జెన్సీ విధింపు

వాషింగ్టన్: అగ్రరాజ్యం అమెరికా ఆర్థిక రాజధాని న్యూయార్క్ (New York) అతలాకుతలమౌతోంది. అల్లకల్లోలానికి గురవుతోంది. ఈ పరిణామాలను దృష్టిలో ఉంచుకుని నగరం మొత్తం మీద న్యూయార్క్‌లో ఎమర్జెన్సీ (New York emergency)ని విధించారు. అత్యవసర పరిస్థితులు ఉంటే తప్ప ఇళ్లల్లో నుంచి బయటికి రావొద్దంటూ హెచ్చరికలు జారీ చేశారు.

న్యూయార్క్‌లో కురిసిన భారీ వర్షానికి ఆకస్మిక వరదలు (New York flash floods) సంభవించడమే దీనికి కారణం. అమెరికా కాలమానం ప్రకారం శుక్రవారం తెల్లవారు జాము నుంచి కొన్ని గంటల పాటు ఏకధాటిగా వర్షం కురిసింది న్యూయార్క్‌లో. కొన్ని ప్రాంతాల్లో గరిష్ఠంగా 5.08 సెంటీమీటర్ల మేర వర్షపాతం నమోదైనట్లు అమెరికా వెదర్ సర్వీస్ తెలిపింది.

ఫలితంగా- అనేక ప్రాంతాలు జలమయం అయ్యాయి. రోడ్లపై వరద నీరు నిలిచింది. మోకాలి లోతుకు పైగా వర్షపు నీరు నిలిచిపోయింది. సబ్‌బేలన్నీ వరద నీటితో నిండిపోయాయి. చెరువులను తలపించాయి. ఇంకొన్ని గంటల పాటు ఇదే పరిస్థితి కొనసాగుతుందని, భారీ వర్షం కొనసాగుతుందని వెదర్ సర్వీస్ పేర్కొంది.

A little flooding in Brooklyn, New York this morning. Not a massive deal. This is what happens when you don’t properly maintain drainage systems, but I can already hear Democrats crying about “climate change.” pic.twitter.com/MZSxIUfQr3

— Suburban Black Man 🇺🇸 (@niceblackdude) September 29, 2023

బ్రూక్లిన్, లోయర్ మన్‌హట్టన్, జాన్ ఎఫ్ ఇంటర్నేషనల్ ఎయిర్‌పోర్ట్, బారో ఆఫ్ క్వీన్స్, కాలేజ్ పార్క్, అవుటర్ మేరీలాండ్, లాంగ్ ఐస్‌లాండ్, హడ్సన్ వ్యాలీ.. ఇలా అనేక ప్రాంతాల్లో సుమారు ఆరు సెంటీ మీటర్ల మేర వర్షపాతం నమోదైంది. ఆయా ప్రాంతాల్లో ప్రజా రవాణా స్తంభించిపోయింది. రోడ్లపై వరద నీరు పోటెత్తడంతో వాహనాల రాకపోకలు నిలిచిపోయాయి.

I am declaring a State of Emergency across New York City, Long Island, and the Hudson Valley due to the extreme rainfall we’re seeing throughout the region.

Please take steps to stay safe and remember to never attempt to travel on flooded roads.

— Governor Kathy Hochul (@GovKathyHochul) September 29, 2023

ఈ పరిస్థితులపై న్యూయార్క్ గవర్నర్ క్యాథీ హాచుల్ సమీక్ష నిర్వహించారు. న్యూయార్క్ సిటీ మొత్తం మీద అత్యయిక పరిస్థితిని విధించినట్లు వెల్లడించారు. ప్రజలు ఎవరూ బయటికి రావొద్దని సూచించారు. వరద నీటితో పోటెత్తిన ప్రాంతాల్లో రాకపోకలు సాగించవద్దని విజ్ఞప్తి చేశారు.

English summary

Heavy downpours triggered flash flooding in New York City of US. It was disrupting subway service and normal life. Streets of the New York city turns into small lakes.