మళ్లీ పెళ్లి చేసుకో, స్వర్గంలోను భార్యగా నువ్వే: లాడెన్‌లో ఎమోషనల్ కోణం

వాషింగ్టన్: 2011 మే 2న అల్ ఖైదా చీఫ్ ఒసామా బిన్ లాడెన్‌ను అమెరికా అంతం చేసిన అనంతరం అతని నివాసంలో వేల సంఖ్యలో ఉన్న పత్రాలను అమెరికా నౌకాదళ సైనికులు (సీల్స్) స్వాధీనం చేసుకున్నారు. ఆ పత్రాల్లో పలు ఆసక్తికర విషయాలు వెలుగులోకి వస్తున్నాయి.

తాను జీవించి ఉన్నంత వరకు పోరాడుతానని ఆయన పత్రాల్లో వెలుగు చూసింది. అదే సమయంలో ఆ పత్రాల్లో అతని భావోద్వేగం కూడా కనిపించింది.

అతను తన భార్యకు ఎమోషనల్ లేఖ రాశాడు. నేను నీకు ఇబ్బందికర పరిస్థితులు కల్పించానని, అందుకు క్షమాపణ చెబుతున్నానని లాడెన్ తన భార్యకు రాసిన లేఖలో పేర్కొన్నాడు.

ఆమె మరో పెళ్లి చేసుకోవచ్చునని ప్రస్తావిస్తూ... తనను లేదా కొత్త భర్తను స్వర్గంలో ఎంచుకోవాలని పేర్కొన్నాడు.

లాడెన్ రాసిన ఆ లేఖ అరబిక్ భాషలో ఉంది. అయితే, ఆయన తన ముగ్గురు భార్యల్లో దానిని ఎవరికి రాసాడనేది కచ్చితంగా తెలియరాలేదు. అయితే, తాను ఎక్కువగా ఇష్టపడే చిన్న భార్యకు ఆ లేఖ రాసి ఉంటాడని భావిస్తున్నారు.

ఆ లేఖలో తనయుడు, ఇద్దరు కూతుళ్ల గురించి అడిగాడు. అంతేకాదు, కొడుకును యుద్ధంలోకి పంపించాలని అందులో పేర్కొన్నాడు. దీంతో మానసికంగా బాధపడుతావని తెలుసునని అన్నాడు.

నీవు నీ కుటుంబాన్ని కలిసి, మళ్లీ పెళ్లి చేసుకునేందుకు అంగీకరిస్తున్నానని పేర్కొన్నాడు. సాధ్యమైతే ముజాహిదీన్లు(ఫైటర్స్)కు ఇచ్చి కూతుళ్లను పెళ్లి చేయాలని, కొడుకును యుద్ధ రంగంలోకి పంపించాలని సూచించాడు. నీవు మళ్లీ పెళ్లి చేసుకునేందుకు నేను అంగీకరిస్తున్నానని, అదే సమయంలో స్వర్గంలో నేను నిన్నే ఎంచుకుంటానని చెప్పాడు.

English summary

Osama Bin Laden was determined to fight against the US till his last breath. Although there were reports that he was done and dusted, the declassified documents reveal that he had the will to fight till the very end, but there was also an emotive side to him.