Tarek Fateh:పాక్ మత విధానాలపై గొంతెత్తిన తారేక్ ఫతా ఇక లేరు..!

Updated: Monday, April 24, 2023, 19:19 [IST]

ప్రముఖ కాలమిస్ట్ మరియు రచయిత తారేక్ ఫతా కన్నుమూశారు. గత కొద్ది రోజులుగా ఆయన క్యాన్సర్‌తో బాధపడుతూ చికిత్స పొందుతున్నారు. ఆయన మృతి చెందినట్లు కూతురు నటాషా ఫతా ధృవీకరించింది. కొద్ది రోజుల క్రితం ఆయన మృతి చెందినట్లుగా వార్తలు ప్రచారంలోకి వచ్చాయి.

There was one and only @TarekFatah - daring, funny, knowledgable, sharp thinker, great orator and a fearless fighter.

Tarek, my brother, it was a delight to have you as a close friend.

Will you be able to rest in peace?
Om Shanti. pic.twitter.com/X9VcRKtyK4
— Vivek Ranjan Agnihotri (@vivekagnihotri) April 24, 2023

"పంజాబ్ సింహం, భారత్ ముద్దుబిడ్డ, కెనడాను ప్రేమించిన వ్యక్తి, సత్యం కోసం పాటుపడే వ్యక్తి, న్యాయం కోసం పోరాటం చేసిన వ్యక్తి, బడుగు బలహీనవర్గాల గొంతుకను వినిపించిన వ్యక్తి ఇక లేరు. తాను భౌతికంగా లేనప్పటికీ తన ఆశయాలు మాత్రం బతికే ఉంటాయి" అంటూ తారేక్ ఫతా కూతురు నటాషా ట్వీట్ చేశారు. ఏప్రిల్ 21నే తారేక్ ఫతా కన్నుమూసినట్లుగా పలు వార్తలు షికారు చేశాయి. అయితే అవి సత్యదూరమని కుటుంబ సభ్యులు ఖండించారు.

తారేక్ ఫతా ఎల్‌జీబీటీ హక్కుల కోసం పోరాడాడు.వారికి అండగా నిలిచాడు.షరియా చట్టాన్ని వ్యతిరేకించాడు. ఇస్లాం మతం యొక్క ప్రగతిశీల రూపం కోసం నినదించారు.తాను పాకిస్తాన్‌లో జన్మించిన భారతీయుడునని, ఇస్లాంలో పుట్టిన పంజాబీ అని ఎప్పుడూ గర్వంగా చెప్పుకునేవాడు.తారేక్ ఫతా పాకిస్తాన్ మతపరమైన విధానాలను విమర్శించేవాడు. అంతేకాదు 1947లో జరిగిన భారతదేశ విభజనపై కూడా వ్యతిరేకించాడు.

Lion of Punjab.
Son of Hindustan.
Lover of Canada.
Speaker of truth.
Fighter for justice.
Voice of the down-trodden, underdogs, and the oppressed.@TarekFatah has passed the baton on… his revolution will continue with all who knew and loved him.

Will you join us?

1949-2023 pic.twitter.com/j0wIi7cOBF
— Natasha Fatah (@NatashaFatah) April 24, 2023

పాకిస్తాన్‌లోని కరాచీలో ఒక పంజాబీ ముస్లిం కుటుంబంలో తారేక్ ఫతా జన్మించారు. 1947లో దేశ విభజన సమయంలో తన కుటుంబం ముంబైను వీడి కరాచీలో స్థిరపడింది. 1970లో కరాచీ సన్ అనే వార్త సంస్థలో రిపోర్టర్‌గా జర్నలిజం కెరీర్‌ను ప్రారంభించాడు. 1977లో ఫతాహపై దేశద్రోహం నేరం మోపబడింది. అనంతరం జియా ఉల్ హక్ ప్రభుత్వం జర్నలిజం రంగం నుంచి ఫతాహను నిషేధించింది. దీంతో ఆయన 1987లో కెనాడాకు వెళ్లి అక్కడే స్థిరపడ్డారు. సౌదీ అరేబియాలో కూడా ఉన్నారు.

తారేక్ ఫతా మరణించారన్న సంగతి బయట ప్రపంచానికి తెలియగానే సోషల్ మీడియాలో నెటిజెన్లు ఘన నివాళులు అర్పించారు. ప్రముఖ ఫిల్మ్ మేకర్ వివేక్ అగ్నిహోత్రి తరేక్‌తో కలిసి తీసుకున్న ఫోటోలను ట్వీట్ చేస్తూ అలాంటి యోధుడు మళ్లీ పుట్టరని పేర్కొంటూ నివాళులు అర్పించారు. ఇలా చాలామంది ప్రముఖులు తారేక్ ఫతాేకు నివాళులు అర్పించారు.