Pakistan: పిల్లలను కనడమే పనిగా పెట్టుకున్న పాకిస్థానీలు.. 2050 నాటికి..!

Pakistan: పేదరికంలో చిక్కుకుని విలవలలాడుతున్న పాకిస్థాన్ అనేక సూచికలలో వెనుకబడి ఉంది. కానీ పిల్లలకు జన్మనివ్వడంలో చాలా ముందుంది. 2050 నాటికి పాకిస్థాన్ జనాభాపరంగా అమెరికాను అధిగమిస్తుందని.. ప్రపంచంలో మూడో అత్యధిక జనాభా కలిగిన దేశంగా అవతరిస్తుందని ఐక్యరాజ్యసమితి నివేదిక అంచనా వేసింది. గత మూడు దశాబ్దాలుగా పాకిస్థాన్ జనన రేటులో భారీ క్షీణత ఉన్నప్పటికీ నివేదిక ప్రకారం.. పాక్ జనాభా పెరుగుదలలో పలు దేశాల కంటే ముందంజలోనే ఉండడం గమనార్హం.

పాకిస్తాన్ సంతానోత్పత్తి రేటు 3.6
ఐక్యరాజ్యసమితి ప్రపంచ సంతానోత్పత్తి నివేదిక 2024 ప్రకారం.. పాకిస్తాన్ సంతానోత్పత్తి రేటు 2024లో 3.6గా నిర్ణయించబడింది. ఇది ఆసియాలోని అనేక దేశాల కంటే చాలా ఎక్కువ. అయితే ఇది 1994లో పాకిస్థాన్ సొంత సంతానోత్పత్తి రేటు కంటే గణనీయంగా తక్కువగా ఉంది. 1994లో, పాకిస్తాన్‌లో ప్రత్యక్ష సంతానోత్పత్తి రేటు ప్రతి స్త్రీకి 6గా ఉంది. దీని అర్థం ప్రతి స్త్రీ సగటున ఆరుగురు పిల్లలకు జన్మనిచ్చింది. ఈ తగ్గుదల ఉన్నప్పటికీ పాకిస్థాన్ 2050 నాటికి యునైటెడ్ స్టేట్స్, ఇండోనేషియా, బ్రెజిల్, రష్యాలను అధిగమించి ప్రపంచంలో మూడో అత్యధిక జనాభా కలిగిన దేశంగా అవతరిస్తుందని అంచనా. 1947లో పాకిస్తాన్ ఏర్పడే సమయానికి ఆ దేశ జనాభా 3.1 కోట్లుగా ఉండగా, 2023 జనాభా లెక్కల ప్రకారం అది 24.1 కోట్లకు పెరిగింది.

2050 నాటికి పాకిస్తాన్ జనాభా ఎంత ఉంటుంది?
2050 నాటికి పాకిస్థాన్ జనాభా 38 కోట్లకు మించి ఉంటుందని ఐక్యరాజ్యసమితి అంచనా వేసింది. అదే సమయంలో 2054 నాటికి సంతానోత్పత్తి రేటు మరింత తగ్గుతుందని, ఇది 2.5కి తగ్గుతుందని అంచనా. 2024 నాటికి ప్రపంచవ్యాప్తంగా జరిగే జననాలలో 43 శాతం పాకిస్తాన్, ఇథియోపియా, నైజీరియా, కాంగో వంటి ముస్లిం దేశాల నుంచే జరుగుతాయని నివేదిక పేర్కొంది.ఇప్పటికే బలహీనంగా ఉన్న దేశ ఆర్థిక వ్యవస్థపై పెరుగుతున్న జనాభా భారాన్ని పెంచింది. జనాభా పెరుగుదలను నియంత్రించడానికి పాకిస్థాన్ కుటుంబ నియంత్రణ కార్యక్రమాలు, గర్భనిరోధక పంపిణీ, గ్రామీణ విద్యా ప్రచారాలతో సహా వివిధ చర్యలను ఆశ్రయిస్తోంది. అయితే, మతపరమైన ఉన్మాదం, సాంస్కృతిక అడ్డంకులు, విద్యకు పరిమిత సపోర్ట్ దీనికి ఆటంకం కలిగిస్తున్నాయి. మతపరమైన మతోన్మాదం కారణంగా దేశంలో కుటుంబ నియంత్రణ చర్యలను చిన్నచూపు చూస్తున్నారు.

English summary

Pakistan is expected to surpass the US in population by 2050, becoming the third-most populous country globally, despite a decline in birth rates. This rapid population growth could challenge the nation's economic stability.