షాకింగ్.. 16 ఏళ్ల అమ్మాయిపై లైంగిక దాడికి పాల్పడిన రోబో.. ఏమైందంటే..?

సూపర్ స్టార్ రజనీకాంత్- స్టార్ డైరెక్టర్ శంకర్ కాంబోలో వచ్చిన రోబో సినిమా గుర్తుందా..? ఆ సినిమాలో హీరోయిన్ ఐశ్వర్యారాయ్ తో రోబో లవ్ లో పడుతుంది. నాకు సనా కావాలంటూ రజనీకాంత్ తో పెద్ద యుద్ధమే చేస్తుంది. అదంతా సినిమానే అని అనిపించినా తాజాగా జర్మనీలో ఇలాంటి ఘటనే జరిగింది. ఇనుములో హృదయం మొలిచెలే అన్నట్లు.. ఓ యువతిపై రోబో అసభ్యంగా ప్రవర్తించింది. దాంతో అక్కడి అధికారులు ఆ రోబోను సీజ్ చేశారు. ఈ ఘటనకు సంబంధించిన పూర్తి వివరాలు ఇలా ఉన్నాయి.

జర్మనీలోని కోలోగ్నె ప్రాంతంలోని ఓ ఫాస్ట్ ఫుడ్ రెస్టారెంట్ వద్ద తన ఫ్రెండ్స్ తో కలిసి ఓ 16 ఏళ్ల అమ్మాయి నిలబడింది. అదే సమయంలో 1.2 మీటర్ల ఎత్తు.. ఎరుపు, బంగారు వర్ణంతో ఉన్న ఓ రోబో అక్కడకు వచ్చింది. అలా వెనకాల నుంచి అమ్మాయితో అసభ్యంగా ప్రవర్తించడం స్టార్ట్ చేసింది. అయితే ఆ రోబో.. యువతితో అసభ్యంగా ప్రవర్తించడం లైవ్ స్ట్రీమింగ్ ద్వారా పబ్లిష్ అయింది. వెంటనే అప్రమత్తమైన అధికారులు ఆ రోబోను స్వాధీనం చేసుకుని సీజ్ చేశారు. అయితే ఈ రోబోను ఇద్దరు టీనేజీ బాయ్స్ కొద్ది దూరంలో ఉండి ఆపరేట్ చేసినట్లు గుర్తించారు. ఈ మేరకు ఆ యువకుల మొబైల్ ఫోన్లను స్వాధీనం చేసుకుని ఈ ఘటనపై దర్యాప్తు నిర్వహించారు.

ఈ ఘటనపై కోలోగ్నె పోలీస్ అధికారి మాట్లాడుతూ.." ఈ రోబో అమ్మాయి వెనక నుంచి వచ్చి ఆమె బ్యాక్ పార్ట్ ను టచ్ చేసింది. అంతేకాక ఆ ప్రాంతాన్ని నిమురుతూ కనిపించింది. దాంతో యువతి తీవ్ర అసౌకర్యానికి గురైంది" అని తెలిపారు. అయితే ఈ రోబో ఓనర్ అయిన 16 ఏళ్ల యువకుడు.. అతనికి సహకరించిన 19 ఏళ్ల మరో యువకుడిని పోలీసులు అదుపులోకి తీసుకున్నారు. ఈ ఘటన జరిగిన ప్రాంతానికి కొద్ది దూరం నుంచి ఆ యువకులు రోబోను ఆపరేట్ చేసినట్లు గుర్తించారు.

అలాగే అమ్మాయితో రోబో అసభ్యంగా ప్రవర్తిస్తున్న దృశ్యాలను లైవ్ స్ట్రీమింగ్ చేసి కామెంట్ సెషన్ ను కూడా ఏర్పాటు చేసినట్లు పోలీసులు గుర్తించారు. ఈ ఘటనపై ది క్రిమినల్ ఇన్వెస్టిగేషన్ డిపార్ట్ మెంట్ లైంగిక దాడి కింద కేసు నమోదు చేసి దర్యాప్తు చేపట్టినట్లు ఓ పోలీస్ అధికారి తెలిపారు. ఇక ఈ ఘటన సమయంలో ఆ రోబోను ఎలా ఆపరేట్ చేశారు..? ఆ అమ్మాయిని వేధించే విధంగా రోబోను కావాలనే మేనిపులేట్ చేశారా..? అనే కోణంలో పోలీసులు దర్యాప్తు నిర్వహిస్తున్నారు.