ఈ రక్త పరీక్ష చెప్పేస్తుంది.. మీరు ఎన్నేళ్లు బ్రతుకుతారో!

ఒక మనిషి ఎన్ని సంవత్సరాలు జీవిస్తాడో నిర్ధారించే రక్త పరీక్షను అమెరికాలోని బోస్టన్ విశ్వవిద్యాలయానికి చెందిన పరిశోధకులు కనుగొన్నారు.

బోస్టన్: ఒక మనిషి ఎన్ని సంవత్సరాలు జీవిస్తాడో నిర్ధారించే రక్త పరీక్షను అమెరికాలోని బోస్టన్ విశ్వవిద్యాలయానికి చెందిన పరిశోధకులు కనుగొన్నారు. దీనికోసం వారు 'బయోమార్కర్ వ్యవస్థ'అనే సరికొత్త వ్యవస్థను అభివృద్ధి చేశారు.

మనుషుల జీవిత కాలాన్ని అంచనా వేసేదే ఈ బయోమార్కర్ వ్యవస్థ. దీనికోసం బోస్టన్ విశ్వవిద్యాలయపరిశోధకులు 5 వేల మంది రక్త నమూనాలపై పరిశోధన చేపట్టారు.

ఆ రక్త నమూనాలను దానం చేసిన వ్యక్తుల ఆరోగ్య వివరాలను ఎనిమిదేళ్లపాటు పరిశీలించారు. ఏళ్లు పైబడ్డాక వచ్చే క్యాన్సర్, గుండెపోటు, మధుమేహం వంటి వ్యాధుల లక్షణాలు, వాటి బయోమార్కర్లు గుర్తించారు.

వీటితో 26 భిన్న బయోమార్కర్లు కలిగిన తాజా అంచనాల వ్యవస్థను సిద్ధం చేశారు. మన రక్త నమూనాలోని బయోమర్కర్లను వీటితో సరిపోల్చడంతో ఎన్నేళ్లు బతుకుతారో చెప్పవచ్చని పరిశోథకులు థామస్ పెర్ల్స్ పేర్కొన్నారు.

ఈ పద్ధతి ద్వారా వివిధ వ్యాధుల ముప్పును తొలినాళ్లలోనే గురించే వీలుంటుందని, అయితే ఫలితాలలో కచ్చితత్వం పెంచేందుకు ఇంకా లోతైన పరిశోధన అవసరమని థామస్ అభిప్రాయపడ్డారు.

English summary

It may sound like the premise of a science fiction film. But, believe it or not, scientists at Boston University claim to have discovered a game-changing blood test that could help predict lifespans. The study, published in the journal Aging Cell on Friday, used biomarker data collected from 5,000 blood samples and analysed it against the donors' health developments over the subsequent eight years.