విమానాన్ని కూల్చిన తాలిబన్లు: 11మంది మృతి
కాబూల్: అమెరికాకు చెందిన రవాణా విమానం ఒకటి ఆఫ్ఘనిస్థాన్లోని జలాలాబాద్ విమానాశ్రయం సమీపంలో కుప్పకూలిపోయింది. ఈ ప్రమాదంలో విమానంలో ఉన్న 11 మంది మరణించారు.
సి-130 రకానికి చెందిన అమెరికన్ విమానం అర్ధరాత్రి సమయంలో కూలిపోయిందని, దీంతో అందులోని వాళ్లంతా మరణించారని సిన్హువా వార్తా సంస్థ తెలిపింది. మరణించిన వారిలో ఆరుగురు అమెరికా సైనికులు కూడా ఉన్నారు.
‘అసలు ప్రమాదం ఎలా జరిగింది, విమానం ఎందుకు కూలిందన్న విషయాలు మాత్రం తెలియరావడం లేదు. ఈ ఘటన గురించిన వివరాలేవీ అందడం లేదు' అని టోనీ విక్మన్ అనే ప్రతినిధి చెప్పారు.
ఇది ఇలా ఉండగా, అమెరికా విమానాన్ని కూల్చింది తామేనని తాలిబన్ ఉగ్రవాదులు ప్రకటించారు. ఈ దాడిపై తాలిబన్ అధికార ప్రతినిధి జబిహుల్లా ముజహిద్ ట్విట్టర్లో స్పందించారు. జలాలాబాద్లో తమ ఉగ్రవాదులే ఆ విమానాన్ని కూల్చేశారని చెప్పారు.
Click it and Unblock the Notifications
Sign in with Google