విమానంలో విచిత్రం: ఎయిర్ హోస్టెస్ కు పైలట్ లవ్ ప్రపోజల్.. వీడియో వైరల్
ప్రేమను వ్యక్తం చేయడానికి ఒక్కొక్కరూ ఒక్కో మార్గం ఎంచుకుంటారు. ప్రస్తుతం ఓ జంట లవ్ ప్రపోజల్ వీడియో సోషల్ మీడియాలో వైరల్ గా మారి విపరీతంగా షేర్ అవుతోంది.
ఓ జంట లవ్ ప్రపోజల్ వీడియో సోషల్ మీడియాలో విపరీతంగా షేర్ అవుతోంది. విమానంలో ప్రయాణిస్తుండగా పైలట్ చేసిన లవ్ ప్రపోజల్ వైరల్ గా మారింది. ఇది ఎక్కడ జరిగిందో స్పష్టతలేదు కానీ స్వచ్ఛమైన ప్రేమకు ఓటమి ఉండదంటూ కామెంట్లు చేస్తున్నారు.
అసలేం జరిగిందంటే.. ఎయిర్ హోస్టెస్లు తమ విధుల్లో మునిగిఉండగా ఓ పైలట్ అక్కడకు వచ్చాడు. విమానంలో ఉండే ఫోన్ లో ఏదో విషయం చెప్పగానే ఓ ఎయిర్ హోస్టెస్ అతడివైపు కదిలింది.
ఇంతలో అతడు మోకాళ్లపై కూర్చుని 'నన్ను పెళ్లి చేసుకుంటావా..' అని అడిగాడు. ఆమె చేతిని పట్టుకుని ప్రేమిస్తున్నట్లు చెప్పి.. ఆమె కళ్లలోకి చూస్తూ.. 'జీవితాంతం ఈ చేతిని వదలను..' అంటూ తన ప్రేమను వ్యక్తం చేశాడు.
పైలట్ చొరవకు మొదట ఆమె ఆశ్చర్యచకితురాలైనా.. ఆపైన అతడి ప్రపొజల్ కు ఒకే చెప్పింది. సినిమాలో సీన్ లా ప్రయాణికులందరూ చూస్తుండగానే పైలట్, తన ప్రియురాలికి రింగ్ తొడిగి తన ప్రేమను గెలిపించుకున్నాడు.
ఆ తరువాత విమానంలో అందరూ చప్పట్లు కొడుతుండగా ఆ ప్రేమికులిద్దరూ కౌగిలించుకుని ముద్దుల్లో మునిగితేలారు. ఆ వెంటనే విమానంలోని ఫోన్ తీసుకుని తన వేలికి ఉన్న ఉంగరాన్ని చూపిస్తూ ఎయిర్ హోస్టెస్ తన సంతోషాన్ని షేర్ చేసుకుంది.