ఏమిటీ ఘోరం.. పాకిస్థాన్ లో 450 స్కూల్స్ లో పేలిన బాంబులు..!

పాకిస్థాన్ లో చిన్నారులు, యువత పరిస్థితి అగమ్యగోచరంగా మారుతోంది. ఎప్పుడు ఏవైపు నుంచి బాంబు పడుతుందోనని బిక్కుబిక్కుమంటూ జీవనం సాగిస్తున్నారు. తాజాగా పాక్ లోని ఖైబర్ పఖ్తుంక్వా ప్రావిన్స్ లోని ఓ హైస్కూల్ పై బాంబు దాడి జరిగింది. గుర్తుతెలియని వ్యక్తులు ఈ బాండు దాడికి పాల్పడినట్లు సమాచారం. శుక్రవారం(జూన్ 06) ఉదయం ఈ దాడి జరిగినట్లు స్థానిక పోలీసులు తెలిపారు.

ఖైబర్ పఖ్తుంక్వా ప్రావిన్స్ టాంక్ జిల్లాలోని గుల్ ఇమామ్ పోలీస్ స్టేషన్ పరిధిలోని అక్బారీ గ్రామంలో ఈ విషాద ఘటన జరిగింది. అక్బారీ గ్రామంలోని ఓ ప్రభుత్వ హైస్కూల్ పై దుండగులు జరిపిన బాంబు దాడిలో పాఠశాల పూర్తిగా ధ్వంసం అయింది. స్కూల్ లోని గదులు ధ్వంసం అయ్యాయి. అయితే తామే ఈ దాడికి పాల్పడినట్లు ఇప్పటివరకూ ఏ ఉగ్రవాద సంస్థ ప్రకటించలేదు. కానీ తెహ్రీక్-ఈ- తాలిబాన్(TTP ) అనే ఉగ్రవాద సంస్థ టాంక్ జిల్లాలో యాక్టివ్ గా ఉన్నట్లు సమాచారం. ఈ ఉగ్రవాద సంస్థే దాడికి పాల్పడినట్లు సమాచారం అందుతోంది.

#Breaking | Pakistan govt school bombed

- High school attacked in Pakistan

- Khyber Pakhtunkhwa school blown up

- TTP active in Pakistan's Tank district@SaahilSuhail joins @Swatij14 with details. pic.twitter.com/eES2CYIJyj

— TIMES NOW (@TimesNow) June 6, 2025

స్థానిక ఎన్జీఓలు అందించిన సమాచారం మేరకు ఖైబర్ పఖ్తుంక్వా ప్రావిన్స్ లో గత పదేళ్లలో 450 పాఠశాలలపై బాంబు దాడులు జరిగినట్లు తెలుస్తోంది. విద్యార్థులు పాఠశాలలకు హాజరు కాకుండా ఇలా చేస్తున్నాయి ఉగ్రవాద సంస్థలు. 2019 వరకు పాకిస్థాన్ లోని అనేక గర్ల్స్ స్కూళ్లపై దాడులు జరిగాయి. స్వాట్ వ్యాలీతో పాటు నార్త్ వెస్ట్ పాకిస్థాన్ ప్రాంతంలో ఈ దాడులు అధికంగా నమోదయ్యాయి.

ఇటీవల పాక్ లో ఓ స్కూల్ బస్సులో ఆత్మాహుతి దాడి జరిగింది. ఈ ఘటనలో ఐదుగురు చిన్నారులు మృతి చెందారు. ఇక 2012లో పాఠశాలలపై బాంబు దాడులను ఖండించి.. విద్యార్థుల్లో విద్య పై అవగాహన కల్పించిన మలాలా యూసఫ్ జాయ్ కు నోబెల్ శాంతి బహుమతి లభించిన విషయం తెలిసిందే.