యూఎస్ తొలి ఎన్నికల్లో గెలిచిన డొనాల్డ్ ట్రంప్: వివేక్, నిక్కీ హేలీ అవుట్
Donald Trump: ఈ ఏడాది.. అమెరికాలో అధ్యక్ష ఎన్నికలు జరుగనున్నాయి. నాలుగేళ్లకోసారి జరిగే ఈ ఎన్నికల పోలింగ్ను డిసెంబర్లో నిర్వహించే అవకాశం ఉంది. ప్రస్తుతం డెమోక్రటిక్ పార్టీ అధికారంలో ఉందక్కడ. జో బైడెన్ అధ్యక్షుడిగా కొనసాగుతున్నారు. ఆయన పదవీ కాలం ముగియడానికి ఇంకో ఏడాది మాత్రమే మిగిలివుంది.
ప్రతిపక్ష రిపబ్లికన్ పార్టీ.. ఎన్నికల కోసం సన్నాహాలు చేపట్టింది. అధ్యక్ష ఎన్నికల్లో పోటీ చేయడానికి మాజీ అధ్యక్షుడు డొనాల్డ్ ట్రంప్ను తమ పార్టీ అభ్యర్థిగా ఎన్నుకుంది. ఆయనపై పలు నేరారోపణలు, కేసులు ఉన్నప్పటికీ.. ట్రంప్పైనే విశ్వాసం ఉంచింది. 2019 నాటి ఎన్నికల్లో ఓడినప్పటికీ.. మళ్లీ ట్రంప్ అభ్యర్థిత్వం వైపే మొగ్గు చూపడం ప్రాధాన్యతను సంతరించుకుంది.
అభ్యర్థిని ఎంచుకోవడానికి అయోవా స్టేట్లో నిర్వహించిన ప్రాథమిక ఎలక్టోరల్ ఎన్నికలో డొనాల్డ్ ట్రంప్ ఘన విజయం సాధించారు. ఆయనకు 52.8 శాతం మేర ఓట్లు పోల్ అయ్యాయి. అభ్యర్థి ఎన్నికల్లో నిలిచిన రాన్ డీశాంటీస్- 21.4, నిక్కీ హేలీ-17.7, వివేక్ రామస్వామి- 7.2 శాతం ఓట్లు పడ్డాయి. నిక్కీ హేలీ, వివేక్ రామస్వామి ఇద్దరూ భారత సంతతికి చెందినవారే.
LET'S GO!!!🇺🇸🥳🥳🥳 pic.twitter.com/G2et7OGctN
— il Donaldo Trumpo (@PapiTrumpo) January 16, 2024
అభ్యర్థిత్వం ఖరారు కావడానికి 1,215 ఓట్లు అవసరం కాగా.. డొనాల్డ్ ట్రంప్కు తొలి రౌండ్లోనే 2,035 మేర ఓట్లు పోల్ అయ్యాయి. కౌంటింగ్ ఇంకా కొనసాగుతోండటం వల్ల ఆయన ఆధిక్యత మరింత పెరిగే అవకాశం ఉంది. రాన్ డీశాంటీస్ రెండో స్థానంలో ఉన్నారు. ఆయనకు 824 ఓట్లు వచ్చాయి. నిక్కీ హేలీ-682, వివేక్ రామస్వామి- 278 ఆ తరువాతి స్థానాల్లో నిలిచారు.
Well, that was fast. Thank you Iowa. Now let’s end this nonsense and go after the insanity that is today’s Democrat party. Enough is enough! It’s time to put America first for a change. pic.twitter.com/nmzDFo7oqV
— Donald Trump Jr. (@DonaldJTrumpJr) January 16, 2024
వరుసగా మూడోసారి డొనాల్డ్ ట్రంప్.. అమెరికా అధ్యక్ష ఎన్నికల్లో పోటీ చేయడం ఖాయమైనట్టే. 2016 నాటి ఎన్నికల్లో ఆయన సారథ్యంలోనే ప్రభుత్వం ఏర్పాటైంది. ఆ తరువాతి ఎన్నికల్లో స్వల్ప తేడాతో పరాజయం చవి చూశారు. మూడోసారి తన అదృష్టాన్ని పరీక్షించుకోనున్నారు డొనాల్డ్ ట్రంప్.
Click it and Unblock the Notifications
Sign in with Google