నిత్య యుద్దానికి సన్నద్దంగా.. గెలవడంపై దృష్టి పెట్టండి!: సైన్యంతో జిన్‌పింగ్..

చైనా అధ్యక్షుడిగా రెండోసారి బాధ్యతలు చేపట్టిన జిన్‌పింగ్ సైన్యంలోని ముఖ్య అధికారులతో భేటీ అయ్యారు.

బీజింగ్: చైనా అధ్యక్షుడిగా రెండోసారి బాధ్యతలు చేపట్టిన జిన్‌పింగ్ సైన్యంలోని ముఖ్య అధికారులతో భేటీ అయ్యారు. ప్రపంచంలోనే అతిపెద్ద సైన్యంగా పేరుగాంచిన 'రెడ్ ఆర్మీ'ని నిత్య యుద్దానికి సన్నద్ధంగా ఉండాలని జిన్‌పింగ్ ఆదేశించారు.

కాగా, గతవారమే జిన్‌పింగ్ కమ్యూనిస్ట్ పార్టీ అధ్యక్షుడిగా, సైన్యాధిపతిగా, దేశాధ్యక్షుడిగా మరోసారి ఎన్నికైన సంగతి తెలిసిందే. ఈ నేపథ్యంలో రెండోసారి పదవీకాలన్ని చేపట్టినవేళ సైన్యాధికారులతో ఆయన భేటీ అయ్యారు. ఆర్మీ ఎప్పుడూ చైనా కమ్యూనిస్టు పార్టీకి విధేయంగా ఉండాలన్నారు.

యుద్ధాల్లో గెలవడంపై దృష్టి సారించాలని, సంస్కరణలు, ఆధునికీకరణలో దేశానికి సైన్యం మార్గదర్శిగా ఉండాలని సూచించారు. ఇదిలా ఉంటే, సైన్యంలోని ముఖ్య అధికారులతో భేటీకి ఇద్దరు జనరల్ స్థాయి అధికారులు హాజరు కాకపోవడం చర్చనీయాంశంగా మారింది. వీరిద్దరిని అవినీతి ఆరోపణలతో గత నెలలోనే విధుల నుంచి తొలగించినట్టు చెబుతున్నారు.

English summary

Chinese President Xi Jinping has begun his second five-year term ordering the country's 2.3 million-strong military, the world's largest, to be absolutely loyal to the ruling Communist Party and intensify its combat readiness by focussing on how to win wars.