ట్రంప్తో భేటీకి జెలెన్స్కీ భయం.. వాషింగ్టన్లో యూరప్ మద్దతుతో ప్రత్యక్షం!
Trump-Zelensky Meeting: అమెరికా అధ్యక్షుడు డొనాల్డ్ ట్రంప్, ఉక్రెయిన్ అధ్యక్షుడు వొలోడిమిర్ జెలెన్స్కీల మధ్య జరగనున్న సమావేశంపై ప్రపంచం దృష్టి సారించింది. ఈ కీలక భేటీకి ఉక్రెయిన్ అధ్యక్షుడిని ఒంటరిగా పంపేందుకు ఐరోపా నేతలు భయపడుతున్నారు. ఫిబ్రవరిలో అమెరికా అధ్యక్షుడిని కలిసేందుకు వెళ్లిన జెలెన్స్కీకి వైట్ హౌస్లో చేదు అనుభవం ఎదురైన సంగతి తెలిసిందే. మూడో ప్రపంచ యుద్ధం వచ్చేలా చేయొద్దంటూ జెలెన్స్కీపై ట్రంప్ ఆ భేటీలో విరుచుకుపడ్డారు. ఈ క్రమంలో భేటీలో జెలెన్స్కీ ఒంటరిగా కాకుండా యూరప్లోని ఏడుగురు ముఖ్య నాయకులతో కలిసి వాషింగ్టన్కు వెళ్తున్నారు. ఈ భేటీ కేవలం ఉక్రెయిన్ కు మాత్రమే కాకుండా మొత్తం ఐరోపాకు కూడా అత్యంత ముఖ్యమైన సమావేశంగా మారింది.
జెలెన్స్కీతో కలిసి యూరోపియన్ నాయకులు
రష్యా-ఉక్రెయిన్ శాంతి చర్చలపై జెలెన్స్కీతో ట్రంప్ ఒంటరిగా భేటీ అయితే.. పుతిన్ డిమాండ్ చేసిన డోన్బాస్ ప్రాంతాన్ని రష్యాకు అప్పగించేలా ఆయన ఒత్తిడి చేయవచ్చని నిపుణులు భావిస్తున్నారు. అందుకే గత మూడేళ్లుగా ఉక్రెయిన్కు మద్దతు ఇస్తున్నయూరోపియన్ నాయకులు ఈ సమావేశంలో జెలెన్స్కీ పక్షాన బలంగా నిలబడటానికి వాషింగ్టన్కు బయలుదేరారు. అంతే కాకుండా.. తదుపరి ట్రంప్-పుతిన్-జెలెన్స్కీల మధ్య జరగనున్న త్రైపాక్షిక చర్చల్లో యూరప్ కూడా భాగం కావాలని ఈ నాయకులు కోరుకుంటున్నారు.
ఈ సమావేశంలో జెలెన్స్కీతో పాటు పాల్గొనే యూరోపియన్ నాయకుల జాబితా
*యూరోపియన్ కమిషన్ అధ్యక్షురాలు ఉర్సులా వాన్ డెర్ లేయన్
*నాటో సెక్రటరీ జనరల్ మార్క్ రూటే
*ఫ్రాన్స్ అధ్యక్షుడు ఇమ్మాన్యుయెల్ మాక్రాన్
*జర్మనీ ఛాన్సలర్ ఫ్రెడెరిక్ మెర్జ్
*బ్రిటిష్ ప్రధానమంత్రి కీర్ స్టార్మర్
*ఫిన్లాండ్ ప్రధానమంత్రి అలెగ్జాండర్ స్టబ్
*ఇటలీ ప్రధానమంత్రి జార్జియా మెలోనీ
వీరందరూ సమావేశానికి ముందు జెలెన్స్కీతో ఒక వర్చువల్ సమావేశంలో కూడా పాల్గొన్నారు.
ట్రంప్-జెలెన్స్కీల భేటీ అజెండా
ఈ సమావేశం ప్రధానంగా మూడు అంశాలపై దృష్టి పెడుతుంది:
1.త్రైపాక్షిక చర్చల ప్రణాళిక: ఆగస్టు 22న జరగనున్న ట్రంప్-జెలెన్స్కీ-పుతిన్ త్రైపాక్షిక చర్చలకు ఒక రూపు ఇవ్వడం.
2.ఉక్రెయిన్ భద్రతకు హామీ: రష్యాతో శాంతి చర్చల్లో ఉక్రెయిన్ భద్రతకు సంబంధించిన హామీలపై చర్చ.
3.యూరప్ భాగస్వామ్యం: ఈ త్రైపాక్షిక చర్చల్లో నాల్గవ పక్షంగా యూరప్ను కూడా చేర్చడానికి ప్రయత్నించడం.
-
ట్రంప్ ఫోన్లు ఎత్తని ఇరాన్ ? ముందుకెళ్లని చర్చలకు 3 కారణాలు..! -
మోదీ-ట్రంప్ వార్ ఫోన్ కాల్ మధ్యలో మస్క్- షాకింగ్ ట్విస్ట్ -
హిట్ కొట్టాడురా సామీ!.. మిస్టరీ థ్రిల్లర్ అదిరిపోయింది..! -
ఈ సినిమా చూస్తే ఈఎంఐల జోలికే పోరు సామి! -
వంట గ్యాస్ బుక్ చేసినా రావటం లేదా, ఇలా చేయండి.. వెంటనే..!! -
ఆసియాలోనే అతిపెద్ద, ప్రపంచంలో నాలుగో అతిపెద్ద విమానాశ్రయాన్ని ప్రారంభించనున్న ప్రధాని మోదీ -
తెలంగాణలో కొత్త అసెంబ్లీ సీట్లు ఇవే, కలిసొచ్చేది ఆ పార్టీకే- అసలు లెక్క..!! -
భారీగా బీర్ల ధరలు పెంపు, ఏ బ్రాండ్ ఎంత.!! -
పద్మవ్యూహంలోకి ట్రంప్ ? ఇరాన్ లో భూతల దాడి నరకమేనా ? -
పెట్రోల్, డీజిల్ ధరలు తగ్గింపు - కేంద్రం అనూహ్య నిర్ణయం, వంట గ్యాస్ రేట్లూ ఇక..!! -
బంగారం ధరల్లో అనూహ్యం- భారీగా రీబౌండ్ -
రామ్చరణ్ ‘పెద్ది’ గ్లింప్స్ పై రివ్యూ
Click it and Unblock the Notifications
Sign in with Google