ఫోర్లు, సిక్సులు: దుమ్మురేపిన మంత్రి హరీశ్ రావు..

క్రికెట్ గ్రౌండ్‌లో మంత్రి హరీశ్ రావు రెచ్చిపోతున్నారు. ఫోర్లు, సిక్సులతో వీర బాదుడు బాదుతున్నారు. ఇటీవల జరుగుతోన్న స్థానిక మ్యాచుల్లో ప్రతాపం చూపిస్తున్నారు. కాగా సోమవారం జహీరాబాద్‌లో కూడా క్రికెట్ ఆడారు. తనదైన శైలిలో ఫోర్లు, సిక్సులతో స్కోర్ చేసి.. జట్టుకు భారీ స్కోర్ అందించారు. అపోజిట్ జట్టు బౌలర్లు హరీశ్ రావు‌కు బౌలింక్ వేయలేక బెంబేలెత్తిపోయారు.

జహీరాబాద్ లో బాగారెడ్డి మైదానంలో ఫ్లడ్‌లైట్లను మంత్రి హరీశ్ రావు ప్రారంభించారు. మంత్రి హరీష్ రావు టీం, జిల్లా కలెక్టర్ హన్మంతరావు టీంల మధ్య క్రికెట్ మ్యాచ్ జరిగింది. టాస్ గెెలిచిన కలెక్టర్ టీం బ్యాటింగ్ ఎంచుకుంది. తర్వాత హరీశ్ రావు టీమ్ బ్యాటింగ్‌కు దిగింది. తన బ్యాటింగ్‌లో హరీశ్ రావు మెరుపులు మెరిపించాడు. సిక్సర్లు , ఫోర్లతో ఫ్రోఫెషనల్ క్రికెట్ గేమ్ ను తలపించారు. హరీశ్ ఆటను చూసి చప్పట్లతో జహీరాబాద్ క్రీడాభిమానులు ప్రోత్సహించారు. మంత్రి హరీశ్ రావు ఇప్పుడే కాదు.. ఇదివరకు కూడా బ్యాటును ఝులిపించారు.

English summary

telangana finance minister harish rao well played cricket at zaheerabad