పెద్ద మనిషిగా భర్తకు బుద్ధి చెప్పమంటే.. ఆమెనే పెళ్లాడతానని వెంటపడ్డాడు!
నల్గొండ: తన భర్త వేధింపులకు గురిచేస్తున్నాడని, కాస్త బుద్ధి చెప్పాలని ఓ పెద్ద మనిషిని కోరితే.. సదరు మహిళనే పెళ్లాడతానని బెదిరింపులకు దిగాడు ఆ ప్రబుద్ధుడు. అంతేగాక, భర్త, అతని బంధువులపై దాడి కూడా చేయించడంతో వారు ఆందోళన చెందుతున్నారు.
నల్గొండ జిల్లా సూర్యాపేటలో వెలుగు చూసిన ఈ ఘటన వివరాల్లోకి వెళితే.. ప్రభుత్వ గుర్తింపు పొందిన సంస్థలో పనిచేస్తున్న ఒక మహిళకు 16 ఏళ్ల క్రితం వివాహమైంది. ఐదు నెలల క్రితం నుంచి ఆమెకు భర్త నుంచి వేధింపులు ఎదురయ్యాయి.
ఈ క్రమంలో ఆమె.. పెద్ద మనిషి కదా అనే ఉద్దేశంతో ఓ వార్డు కౌన్సిలర్ వద్దకు వెళ్లి తమ సమస్యను పరిష్కరించాలని కోరింది. భర్తకు కాస్త భయం చెప్పాలని అడిగింది. అయితే, ఆ కౌన్సిలర్ ఆమెపైనే కన్నేశాడు.
ఆమె భర్తపై దాడి చేయించి బంధువులను బెదిరిస్తున్నాడని.. ఆ మహిళను తానే వివాహం చేసుకుంటానని చెబుతున్నాడని ఆమె తరఫు బంధువులు ఆరోపిస్తున్నారు.
అంతేగాక, తనను ఎవరూ ఏమీ చేయలేరని బెదిరింపులకు దిగాడని వారు చెబుతున్నారు. ఈ విషయాన్ని రాష్ట్ర మంత్రి జగదీశ్రెడ్డి దృష్టికి తీసుకెళ్తామని వారు తెలిపారు.
Click it and Unblock the Notifications
Sign in with Google