Pregnant Woman నది దాటాలంటే నరకయాతన.. పురిటి నొప్పులతో గర్భిణి అవస్థలు

వర్షకాలంలో ఏజెన్సీ, అటవీ ప్రాంతాల్లో ఉండే ప్రజల ఇబ్బందులు అన్ని ఇన్ని కావు. భారీ వర్షాలకు వాగులు, చెరువులు ఉప్పొంగి ప్రజలు చాలా ఇబ్బందులు పడాల్సి వస్తుంది. ముఖ్యంగా మహిళలు, వృద్ధులు చాలా ఇబ్బందులు ఎదుర్కొంటారు. తాజాగా గర్భిణి సరైనా రవాణా లేక పురిటి నొప్పులతో నరకయాతన అనుభవించింది.

భారీ వర్షం

కుమురభీం ఆసిఫాబాద్ జిల్లా చింతలమానేపల్లి మండలం దిందా గ్రామానికి చెందిన పద్మకు గురువారం ఉదయం పురిటి నొప్పులు వచ్చాయి. అయితే బుధవారం రాత్రి కురిసిన భారీ వర్షానికి దిందా వాగు పొంగిపోర్లుతుంది. దీంతో వారు రోడ్డు దాటి వెళ్లేందుకు సాధ్యం కాలేదు. అయితే ఆమెకు పురిటి నొప్పులు ఎక్కువయ్యాయి. దీంతో ఆమెను కుటుంబసభ్యులు ఆమెను ఎలాగో ఆటోలో వాగు సమీపంలోకి తీసుకువచ్చారు.

రెండు గంటలపాటు నిరీక్షణ

అక్కడ నుంచి వాగు వరకు సుమారు కిలోమీటర్ నడవాల్సి వచ్చింది. వారు అతి కష్టం మీద నాటు పడవలో ప్రమాద స్థితిలో వాగు దాటారు. కానీ అంబులెన్స్ రాకపోవడంతో రెండు గంటలపాటు పురిటి నొప్పులతో ఆమె వాగు ఒడ్డున ఎదురుచూడాల్సి వచ్చింది. అయితే చివరికి అంబులెన్స్ రావడంతో ఆమెను తరలించారు. కాగా శుక్రవారం ఆమె శిశువుకు జన్మనిచ్చారు.

వంతెన

వర్షం కురిసిన ప్రతీసారి వాగు దాటడం ఇబ్బంది అవుతుందని దిందా గ్రామవాసులు చెబుతున్నారు. ప్రభుత్వం ఇప్పటికైనా ఎత్తులో వంతెన నిర్మించాలని కోరుతున్నారు.

English summary

Padma, a resident of Dinda village of Chinthalamanepalli mandal of Kumurabhim Asifabad district, developed stomach pains on Thursday morning. She was forced to cross the river with great difficulty.