ALERT: హైదరాబాద్​ లో భారీ వర్షం.. చెరువులను తలపిస్తున్న రోడ్లు

రాష్ట్ర రాజధాని హైదరాబాద్ లో భారీ వర్షం కురుస్తోంది. దీంతో రోడ్లన్నీ జలమయం అయ్యాయి. వర్షం కారణంగా వివిధ పనులపై బయటకు వచ్చిన వాహనదారులు తీవ్ర ఇబ్బందులు పడ్డారు. బేగంబజార్, కోఠి, సుల్తాన్ బజార్, అబిడ్స్, బషీర్ బాగ్, నాంపల్లి, లిబర్టీ, హిమాయత్ నగర్, నారాయణ గూడ, లక్డీకాపుల్ ట్యాంక్ బండ్ తదితర ప్రాంతాల్లో రహదారులు జలమయం అయ్యాయి. రోడ్లపై వర్షపు నీరుతో వాహనదారులు, బాటసారులు చాలా ఇబ్బందులు పడ్డారు. డ్రైనేజీలు పొంగిపోవడంతో పాటు ట్రాఫిక్ ​కు​ అంతరాయం ఏర్పడింది.

భారీ వర్షం, ఈదురు గాలులకు నగరంలోని పలు చోట్ల చెట్లు నెలకొరిగాయి. దీంతో ట్రాఫిక్ ​కు అంతరాయం ఏర్పడింది. మరోవైపు సికింద్రాబాద్ పరిసర ప్రాంతాల్లోనూ భారీ వర్షం కురుస్తుంది. గత కొన్ని రోజులతో ఎండలతో ఇబ్బందులు ఎదుర్కొంటున్న ప్రజలకు వర్షం ఉపశమనం కలిగించింది. సాయంత్రం 5 గంటల వరకు ఏకధాటిగా వర్షం పడుతుందని హైదరాబాద్ వాతావరణ కేంద్రం స్పష్టం చేసింది.

#HYDTPinfo#TrafficAlert #RainAlert
Waterlogging at Madhura Sweet House. Please avoid both sides of the road from NMDC-Mehedipatnam and take alternate routes to prevent delays.#HyderabadRains #Rainfall #Raining pic.twitter.com/0y66eH6Txd

— Hyderabad Traffic Police (@HYDTP) April 3, 2025

తిరుమలగిరి, బోయిన్ పల్లి, అల్వాల్, మారేడుపల్లి చిలకలగూడ ప్యాట్నీ ప్యారడైస్ ప్రాంతాల్లో ఏకధాటిగా వర్షం కురుస్తోంది. ఒక్కసారిగా కురుస్తున్న వర్షానికి రహదారులన్నీ జలమయమయ్యాయి.