గోల్కొండ కోటలో చప్పట్లు కొట్టి ముచ్చటపడిన ఇవాంకా, మోడీ ఏం గిప్ట్ ఇచ్చారంటే...

అమెరికా అధ్యక్షుడు డొనాల్డ్ ట్రంప్ కుమార్తె, సలహాదారు అయిన ఇవాంకా ట్రంప్ కాసేపు చిన్నపిల్ల అయిపోయారు. బుధవారం గోల్కొండ కోటను సందర్శించిన ఆమె ముగ్ధురాలయ్యారు.

హైదరాబాద్: అమెరికా అధ్యక్షుడు డొనాల్డ్ ట్రంప్ కుమార్తె, సలహాదారు అయిన ఇవాంకా ట్రంప్ కాసేపు చిన్నపిల్ల అయిపోయారు. బుధవారం గోల్కొండ కోటను సందర్శించిన ఆమె ముగ్ధురాలయ్యారు.

ఈ సందర్భంగా కోటలోని రాజప్రసాదంలో రాజు.. సేవకులు, సందర్శకులను పిలిచే విధానాన్ని వివరించినప్పుడు ఇవాంకా ఆశ్చర్యపోయారు. అక్కడ నిలబడి చప్పట్లు చరిచి ముచ్చటపడ్డారు.

అనంతరం కోట మధ్యలో నిలబడి గట్టిగా శబ్దం చేస్తే అది ప్రతిధ్వనించి తిరిగి మనకే చేరుతుందని తెలిపినప్పుడు.. ఇవాంకా అబ్బురంగా చూశారు. అద్భుతం.. అంటూ ఒక్క మాటలో గోల్కొండ కోట గురించి తన అభిప్రాయాన్ని వ్యక్తం చేశారు. తమ దేశంలో ఇలాంటిది లేదని కూడా వ్యాఖ్యానించారు.

మరోవైపు గ్లోబల్‌ ఎంటర్‌ ప్రెన్యూర్‌ సమ్మిట్‌ 2017 కోసం నగరానికి వచ్చిన అతిథి ఇవాంకా ట్రంప్‌ కోసం దేశ ప్రధాని నరేంద్ర మోడీ ఓ ప్రత్యేక బహుమతిని అందించారు. ఆయన ఓ చెక్క పెట్టెను ఇవాంకాకు బహుకరించారు.

అది సాదాసీదా పెట్టె కాదు.. సూరత్‌ కళ సడేలీ హస్తకళతో కూడింది. వివిధ ఆకృతులతో పెట్టెపై అల్లికలు ఉండటమే ఈ కళ ప్రత్యేకం. ఈ బహుమతి పట్ల సంతోషం వ్యక్తం చేసిన ఇవాంక.. ప్రధానికి కృతజ్ఞతలు తెలియజేశారు.

English summary

Ivanka Trump got surprised when she visited Golkonda Fort here in hyderabad on Wednesday. When she was explained about Golkonda Fort specialities.. mainly about shouting on spot she totally immensed. After that she tested that by shouting on that spot for a while. On Tuesday PM Modi given a special Gift to Ivanka.