జనగామ మున్సిపల్ చైర్మన్ ఎన్నిక వాయిదా.. సినిమాను మించిన ట్విస్ట్ లు!
జనగామ మున్సిపల్ చైర్మన్ ఎన్నిక అనేక నాటకీయ పరిణామాలు, ఆందోళనల నడుమ వాయిదా పడింది. జనగామలో వార్డు సభ్యుల ప్రమాణ స్వీకారం ఎన్నికల అధికారి గోపిరామ్ నేతృ త్వంలో పూర్తి అయినా కాంగ్రెస్ కౌన్సిలర్ లను బీఆర్ఎస్ ప్రలోభాలకు గురించేసిందని యాదాద్రి భువనగిరి పార్లమెంట్ సభ్యులు చామల కిరణ్ కుమార్ రెడ్డి ధర్నా నిర్వహించారు. 24గంటలపాటు ఎన్నికలను వాయిదా వే యాలని పో డియం ముందు వార్డు సభ్యులతో బైఠాయించారు.
కౌన్సిలర్ కిడ్నాప్.. కథలో ట్విస్ట్
28వ వార్డు బీఆర్ఎస్ కౌన్సిలర్ కిడ్నాప్ అయ్యిందని పిర్యాదుతో నిన్న ఎఫ్ ఐ ఆర్ కూడా నమోదు చేశారు. కాగా ఈరోజు 28వ వార్డు మహిళా కౌన్సిలర్ మున్సిపాలిటీకి చేరుకొని బీ ఆర్ ఎస్ నుండి గెలిచానని, ఓటు బీఆర్ఎస్ కి వేస్తానని స్పష్టం చేశారు. బీఆర్ఎస్ నుంచి చైర్మన్ అభ్యర్థిగా గోపగాని సుగుణాకర్, కాంగ్రెస్ పార్టీ నుంచి కడకంచి బాలమణి పేర్లను ఆయా పార్టీల కౌన్సిలర్లు ప్రతిపాదించారు.
ఎన్నిక వాయిదా వెయ్యాలని ఎంపీ మొండిపట్టు
ఆ వెంటనే ఎక్స్ అఫీషియో సభ్యులుగా హాజరైన యాదాద్రి భువనగిరి పార్లమెంట్ సభ్యులు చామల కిరణ్ కుమార్ రెడ్డి కలుగజేసుకొని శాంతి భద్రతల సమస్య ఉన్నందున ఎన్నికలు వాయిదా వేయాలని డిమాండ్ చేశారు. కోరం పూర్తిగా ఉండడంతో ఎన్నికల అధికారి, జనగామ ఆర్ డి ఓ గోపిరామ్ ఎన్నికలు నిర్వహించడానికి మొగ్గు చూపారు. ఎన్నికలకు సహకరించాలని ఎంపీకి ఎన్నికల అధికారి విజ్ఞప్తి చేశారు.
బీఆర్ఎస్ కౌన్సిలర్ లతో ఆందోళన చేసిన ఎమ్మెల్యే పల్లా
ఎంపీ కిరణ్ కుమార్ 15మంది కౌన్సిలర్లతో పోడియం ఎదుట ధర్నాను తీవ్రతరం చేయడంతో ఎన్నికల అధికారి ఆర్డీవో గోపి రామ్ ఎన్నికలను రేపటికి వాయిదా వేస్తున్నట్లు ప్రకటించారు. తిరిగి రేపు ఉదయం 11గంటలకు చైర్మన్ వైస్ చైర్మన్ ఎన్నికలను నిర్వహించడం జరుగుతుందని తెలిపారు. కోరం ఉన్నా ఎన్నికలు ఎందుకు వాయిదా వేశారో చెప్పాలని జనగామ బీఆర్ఎస్ శాసనసభ్యులు పల్లా రాజేశ్వర్ రెడ్డి మున్సిపల్ కార్యాలయం ఎదుట కౌన్సిలర్ అభ్యర్థులతో ధర్నా నిర్వహించారు.
జనగామ చైర్మన్ జారిపోతుందేమో అన్న అనుమానం
ఎంపీ చామల కిరణ్ కుమార్ రెడ్డి ఎన్నికను రేపటికి వాయిదా వేయాలని పట్టు పట్టడంతో ఎన్నికను వాయిదా వేస్తున్నట్లు అధికారులు ప్రకటించారు. చేర్యాలలో కాంగ్రెస్ కౌన్సిలర్ బీఆర్ఎస్ కు మద్దతు ఇచ్చినట్టు ఇక్కడ కూడా కాంగ్రెస్ నుండి బీఆర్ఎస్ కు చైర్మన్ పోతుందేమో అన్న భయంతో ఈ ఎన్నిక ఆపాలని ఆందోళన చేసినట్టు చెప్తున్నారు.
Click it and Unblock the Notifications
Sign in with Google