కేటీఆర్ జన్మదినం.!అంబరాన్నంటుతున్న సంబరాలు.!

Published: Monday, July 24, 2023, 13:33 [IST]

హైదరాబాద్ : తెలంగాణ మంత్రి, కేసీఆర్ తనయుడు కల్వకుంట్ల తారక రామారావు లాంగ్ లీవ్ నినాదాలతో హైదరాబాద్ నెక్లెస్ రోడ్ మారుమోగింది. కేటీఆర్ జన్మదినం సందర్బంగా హాట్టాహాసంగా తెలంగాణ ట్రై క్రీడా 2023 వేడుకలు ప్రారంభమయ్యాయి. రాష్ట్ర ఐటీ పరిశ్రమలు మున్సిపల్ శాఖ మంత్రి వర్యులు కే తారక రామారావు గారి జన్మదినం సందర్భంగా సోమవారం తెలంగాణ స్పోర్ట్స్ అథారిటీ ఆధ్వర్యంలో ఈ పోటీలను నిర్వహించారు ముఖ్య నేతలు. ఈ ప్రారంభ వేడుకలకు రాష్ట్ర క్రీడల శాఖ మంత్రి డాక్టర్ బి శ్రీనివాస్ గౌడ్ చైర్మన్ డాక్టర్ ఆంజనేయ గౌడ్ ముఖ్య అతిథులుగా హాజరైయ్యారు. కార్పొరేషన్ చైర్మన్లు పల్లె రవికుమార్, గెల్లు శ్రీనివాస్ యాదవ్ అతిధులుగా హాజరైయ్యారు.

తలసాని సాయి కిరణ్ యాదవ్ ఆధ్వర్యంలో కేటీఆర్ పుట్టినరోజు వేడుకల : పీవి మార్గ్ లోని థ్రిల్ సిటీలో సోమవారం ఉదయం తలసాని సాయి కిరణ్ యాదవ్ ఆధ్వర్యంలో మంత్రి కేటీఆర్ పుట్టినరోజు వేడుకల కార్యక్రమాలు థ్రిల్ సిటీ థీమ్ పార్క్ లోనీ ప్రపంచ అతిపెద్ద తెరపై మంత్రి కేటీఆర్ జన్మదినం సందర్భంగా త్రీడీ లో వినూత్నంగా విషెస్ తెలుపుతూ వీడియోను ప్రదర్శించారు.

మంత్రి కేటీఆర్ ఔనత్యాన్ని, వ్యక్తిత్వం, పోరాటపటిమ, పరిపాలన విధానం, సాధించిన విజయాలను క్రోడీకరిస్తూ ప్రత్యేక విడియో సాంగ్ ను ప్రదర్శించారు. గిఫ్ట్ ఏ స్మైల్ కార్యక్రమం క్రింద వీడియో కెమెరా మెన్ లకు హెల్త్ ఇన్సూరెన్స్ పత్రాల పంపిణీ చేయనున్నారు. మంత్రి కేటీఆర్ పుట్టిన రోజు పురస్కరించుకొని ప్రత్యేకంగా తయారు చేసిన భారీ కేక్ ప్రముఖుల సమక్షంలో కట్ చేసారు గులాబీ నేతలు.

పలు సాంస్కృతిక కార్యక్రమాలు : గులాబీ పార్టీ ముఖ్య నేతలు విచ్చేస్తున్న ఈ సంబరాలలో పలు సాంస్కృతిక కార్యక్రమాలు కూడా జరుగనున్నాయి. సాట్స్ ఆధ్వర్యంలో అట్టహాసంగా కేటీఆర్ జన్మదిన వేడుకలు జరుగుతున్నాయి. ముఖ్య అతిథిగా హాజరై ట్రై క్రీడా వేడుకలను ప్రారంభించీన క్రీడా శాఖ మంత్రి శ్రీనివాస్‌ గౌడ్. నెక్లెస్ రోడ్ నిండా నవతరం సైక్లింగ్ సంబురాలని ప్రారంభించారు. నీరా కేఫ్ వద్ద కేక్ కట్ చేసి, సైక్లింగ్ రేస్ ప్రారంభించి, సైకిల్ రేస్ లో పాల్గొని జోష్ నింపారు మంత్రి శ్రీనివాస్‌ గౌడ్.

వేలాది గా పాల్గొన్న యువత : తెలంగాణ సైక్లింగ్ అసోసియేషన్ అధ్యక్ష కార్యదర్శులు మల్లారెడ్డి దత్తాత్రేయ వెటర్న్ సైక్లిస్ట్ మర్రి లక్ష్మారెడ్డి ఒలంపిక్ అసోసియేషన్ ప్రతినిధులు ప్రేమ్ రాజ్ ప్రభుత్వ ఫిజికల్ కళాశాల ప్రిన్సిపల్ రామిరెడ్డి తదితరులు పాల్గొన్నారు. తర్వాత ఇందిరా పార్కులో స్కేటింగ్ పోటీలను చైర్మన్ డాక్టర్ ఆంజనేయ గౌడ్ ప్రారంభించారు. మధ్యాహ్నంయూసుఫ్ గూడా, కెవిబిఆర్ ఇండోర్ స్టేడియంలో మహిళల రెజ్లింగ్ పోటీలు తెలంగాణ సాప్ చైర్మన్ డాక్టర్ ఆంజనేయ గౌడ్ ప్రారంభించనున్నారు.

Published On July 24, 2023