ఆర్ఎస్ బ్రదర్స్‌లో భారీ అగ్ని ప్రమాదం: పూర్తిగా కాలిన భవనం, కోట్లలో ఆస్తి నష్టం

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    హైదరాబాద్‌: నగరంలోని అబిడ్స్‌ ప్రాంతంలో శుక్రవారం అర్ధరాత్రి భారీ అగ్నిప్రమాదం సంభవించింది. ప్రధాన రహదారిని ఆనుకొని ఉన్న నాలుగు అంతస్తుల ఆర్‌ఎస్‌ బ్రదర్స్‌ దుకాణంలో ఈ అగ్ని ప్రమాదం చోటుచేసుకుంది.

    మంటలు తీవ్రంగా చెలరేగడంతో దాదాపు ఆ భవనం పూర్తిగా కాలిపోయింది. దుకాణంలోని వస్త్రాలు కాలిబూడిదయ్యాయి. సమాచారం అందుకున్న అగ్నిమాపక సిబ్బంది 5అగ్నిమాపక శకటాలతో మూడు గంటల పాటు శ్రమించి మంటలను అదుపులోకి తీసుకువచ్చారు.

     మొదట లిఫ్ట్ నుంచి పొగలు

    మొదట లిఫ్ట్ నుంచి పొగలు

    ప్రత్యక్ష సాక్షుల కథనం ప్రకారం.. ముందు ఆ భవనం కింది అంతస్తులోని లిఫ్ట్‌‌ నుంచి పొగలు వచ్చాయి. రాత్రి పది గంటలకు దుకాణం మూసివేసి సిబ్బంది వెళ్లిపోయాక ఈ ఘటన జరిగింది. మూసి వేసిన దుకాణంలో నుంచి పొగలు రావడం గమనించిన సెక్కురిటీ సిబ్బంది, స్థానికులు వెంటనే అగ్నిమాపక శాఖ అధికారులకు సమాచారం అందించారు.

    మూడంతస్తులకు అంటుకున్న మంటలు

    మూడంతస్తులకు అంటుకున్న మంటలు

    ఘటన స్థలానికి చేరుకున్న అగ్నిమాపక సిబ్బంది దుకాణం షెట్టర్లు తెరవడానికి ప్రయత్నించగా.. కొద్ది సేపటి వరకు అవి తెరుచుకోలేదు. ఈ క్రమంలో మొదటి అంతస్తులో చెలరేగిన మంటలు మిగతా మూడు అంతస్తులకు విస్తరించాయి. బట్టల దుకాణం కావడంతో ప్రమాదం తీవ్రత పెరిగి భారీగా మంటలు ఎగిసిపడ్డాయి.

    మళ్లీ చెలరేగిన మంటలు

    మళ్లీ చెలరేగిన మంటలు

    మంటలను అదుపు చేయడం ఇబ్బందికరంగా మారడంతో అగ్నిమాపక శాఖ అధికారులు ప్రత్యేక వాహనాలను రప్పించారు. మొత్తం 5ఫైరింజిన్లతో మంటలను అదుపులోకి తీసుకువచ్చారు. ఒక దశలో అదుపులోకి వచ్చినట్టే వచ్చి మళ్లీ మంటలు చెలరేగాయి.

      దుర్గమ్మకు ముక్కుపుడక సమర్పించిన కేసీఆర్‌
      కోట్లలో ఆస్తి నష్టం

      కోట్లలో ఆస్తి నష్టం

      ఈ క్రమంలో పోలీసులు అబిడ్స్‌ ప్రధాన రహదారిపై రాకపోకలు సాగించే వాహనాలను దారి మళ్లించారు. దాదాపు మూడు గంటలపాటు శ్రమంచి మంటలను అగ్నిమాపక సిబ్బంది అదుపులోకి తీసుకురావడంతో స్థానికులు ఊపిరి పీల్చుకున్నారు. విద్యుత్‌ షార్ట్‌ సర్క్యుట్‌ కారణంగానే ప్రమాదం జరిగి ఉంటుందని పోలీసులు భావిస్తున్నారు. ఘటనపై దర్యాప్తు జరుపుతున్నారు. కాగా, ఈ ప్రమాదం కారణంగా ఆస్తి నష్టం సుమారు రూ.3కోట్లకుపైనే ఉంటుందని దుకాణ యజమాన్యం తెలిపింది.

      English summary
      Major Fire Accident occurred in RS Brothers at Abids in Hyderabad on Friday midnight.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more