మహిళలకు తెలంగాణ ప్రభుత్వం బంపర్ ఆఫర్.. రూ.1.30 లక్షల జీతం మీదే..!

తెలంగాణ రాష్ట్రంలోని మహిళలు విదేశాల్లో అత్యధిక గౌరవప్రదమైన , అత్యధిక వేతనం కలిగిన ఉద్యోగాలు సాధించేందుకు రాష్ట్ర ప్రభుత్వం చారిత్రక ముందడుగు వేసింది. ముఖ్యంగా ఆరోగ్య రంగంలో నైపుణ్యం ఉన్న మహిళల కోసం, రాష్ట్ర ప్రభుత్వ ఆధ్వర్యంలోని TOMCOM ఒక గోల్డెన్ జాబ్ అవకాశాన్ని ప్రకటించింది. నర్సింగ్ , కేర్‌గివర్ విభాగాల్లో కెరీర్‌ను అంతర్జాతీయ స్థాయికి తీసుకెళ్లాలనుకునే వారికి ఇది నిజంగా అద్భుతమైన టర్నింగ్ పాయింట్ కానుంది.

ఈ ఉద్యోగావకాశాల్లో అత్యంత ఆకర్షణీయమైన అంశం ఏంటంటే .. భారీ వేతనం. ఎంపికైన అభ్యర్థులకు నెలకు రూ.1.06 లక్షల నుండి రూ.1.30 లక్షల వరకు జీతం లభించే అవకాశం ఉంది. ఈ వేతనంతో పాటు, TOMCOM ద్వారా విదేశాలకు వెళ్లడం వలన అత్యున్నతమైన కెరీర్ భద్రత, మెరుగైన జీవన ప్రమాణాలు, అంతర్జాతీయ వృత్తి అనుభవాన్ని పొందే అవకాశం ఉంటుంది. ఈ భారీ వేతనం కేవలం ఆర్థిక భద్రతను మాత్రమే కాకుండా, విదేశాలలో స్థిరపడాలనే కలను నిజం చేసుకునేందుకు బలమైన పునాదిని అందిస్తుంది.

అర్హతలు
ఆరోగ్య రంగంలో తగిన విద్యార్హత,అనుభవం ఉన్న మహిళలు మాత్రమే ఈ గోల్డెన్ ఆఫర్‌కు అర్హులు. ముఖ్యంగా ఈ కింది కోర్సులు పూర్తి చేసిన అభ్యర్థులు వెంటనే దరఖాస్తు చేసుకోవచ్చు.

ANM, GNM, B.Sc Nursing కోర్సులు పూర్తి చేసిన నర్సింగ్ నిపుణులు. జనరల్ డ్యూటీ అసిస్టెంట్ (GDA) కేర్‌గివర్ (వృద్ధులు లేదా అనారోగ్యంతో ఉన్నవారికి సేవలు అందించేవారు) కోర్సులు పూర్తి చేసినవారు.

హాస్పిటల్స్ లేదా ఓల్డ్ ఏజ్ హోమ్స్‌లో పనిచేసిన అనుభవం ఉన్న అభ్యర్థులకు ఈ ఉద్యోగాలలో అధిక ప్రాధాన్యత లభించనుంది. విదేశాల్లో కేర్‌గివింగ్ అవసరాలు అధికంగా ఉన్న నేపథ్యంలో, అనుభవం ఉన్నవారికి ఇది సరిగ్గా సరిపోయే అవకాశం.

దరఖాస్తు వివరాలు
ఈ పోస్టులకు దరఖాస్తు చేసుకునే మహిళల వయస్సు 18 నుండి 28 సంవత్సరాల మధ్య ఉండాలి. ఆసక్తి మరియు అర్హత కలిగిన అభ్యర్థులు తమ తాజా రెజ్యూమ్‌ను ఈ కింది ఈమెయిల్ ఐడీలకు వెంటనే పంపవచ్చు.

[email protected]

[email protected]

తెలంగాణ ప్రభుత్వం ఆధ్వర్యంలో నడుస్తున్న TOMCOM, అర్హత కలిగిన మహిళలకు పారదర్శకమైన పద్ధతిలో విదేశాలలో ఉద్యోగాలను కల్పించడంలో కీలక పాత్ర పోషిస్తోంది. విదేశాలలో స్థిరపడాలనుకునే ,తమ వృత్తి నైపుణ్యాలను అంతర్జాతీయ స్థాయిలో పెంచుకోవాలనుకునే నర్సింగ్, కేర్‌గివింగ్ మహిళలకు ఇది ఒక అపూర్వమైన, సురక్షితమైన అవకాశం.

English summary

Apply for lucrative Overseas Nursing and Caregiver jobs offered by Telangana Government's TOMCOM. Attractive salary up to ₹1.30 Lakh per month. Check eligibility (ANM, GNM, B.Sc Nursing) and application process for women aged 18-28.