మీ లెక్క మీది, పవన్ కళ్యాణ్ కావాల్సిందే!: బాబుకు రేవంత్ రెడ్డి
తెలంగాణ తెలుగుదేశం పార్టీ కార్యనిర్వాహక అధ్యక్షులు రేవంత్ రెడ్డి జనసేన అధినేత పవన్ కళ్యాణ్ మద్దతు కోరుకుంటున్నారని సమాచారం. తెలంగాణలో అధికార టిఆర్ఎస్కు తిరుగులేదు.
హైదరాబాద్: తెలంగాణ తెలుగుదేశం పార్టీ కార్యనిర్వాహక అధ్యక్షులు రేవంత్ రెడ్డి జనసేన అధినేత పవన్ కళ్యాణ్ మద్దతు కోరుకుంటున్నారని సమాచారం. తెలంగాణలో అధికార టిఆర్ఎస్కు తిరుగులేదు.
కేసీఆరే ఆకర్షణ
సార్వత్రిక ఎన్నికలకు దాదాపు మరో ఏడాదిన్నర ఉంది. తెరాసకు కేసీఆర్, కేటీఆర్ వంటి వారు ఆకర్షణ. కానీ కాంగ్రెస్, టిడిపి, బిజెపిలకు అలాంటి వ్యక్తులు దాదాపు లేరనే చెప్పవచ్చు. టిడిపిలో కొంత రేవంత్ రెడ్డికి ఉంది.
తెలంగాణలో టిడిపికి గ్లామర్ కోసం..
ఇప్పుడు ఆయనే, తెలంగాణలో టిడిపికి గ్లామర్ కావాలని కోరుకుంటున్నారని తెలుస్తోంది. చంద్రబాబు, లోకేష్లు ఏపీకి పరిమితమైన నేపథ్యంలో పవన్ కళ్యాణ్ వంటి గ్లామర్ నాయకుడు కావాలని కోరుకుంటున్నారని తెలుస్తోంది.
ఏపీ లెక్క ఎలా ఉన్నా
ఏపీలో రాజకీయ లెక్కలు ఎలా ఉన్నప్పటికీ తెలంగాణలో మాత్రం జనసేనతో కలిసి ముందుకు వెళ్తే బాగుంటుందని రేవంత్ రెడ్డి కోరుకుంటున్నారని సమాచారం.
పవన్ మాస్ ఫాలోయింగ్ కలిసివస్తుందని..
పవన్ మాస్ ఫాలోయింగ్, అతని చరిశ్మా టిడిపికి తెలంగాణలో ఉపయోగపడుతుందని భావిస్తున్నారు. ఈ విషయాన్ని చంద్రబాబుకు కూడా చెప్పారని తెలుస్తోంది.