అశ్లీల డ్యాన్సులు, రేవ్ పార్టీ భగ్నం: ప్రియుడితో కలిసి భర్త హత్య

హైదరాబాద్: తెలుగు రాష్ట్రాల ఉమ్మడి రాజధాని హైదరాబాదులో రేవ్ పార్టీల కలకలం చెలరేగుతోంది. తాజాగా పోలీసులు మరో రేవ్ పార్టీని భగ్నం చేశారు. బడాబాబులు హైదరాబాద్ శివార్లలో రేవ్ పార్టీని ఏర్పాటు చేశారు.

ఈ రేవ్ పార్టీలో అమ్మాయిలు తాగి చిందేశారు. వారితో పురుషులు జత కలిశారు. ఈ విషయాన్ని గుర్తించిన స్థానికులు.. అసాంఘిక కార్యకలాపాలు జరుగుతున్నాయని పోలీసులకు ఫిర్యాదు చేశారు. పోలీసులు వారిని అదుపులోకి తీసుకున్నారు.

ప్రియుడితో కలిసి భర్తను చంపిన భార్య

ప్రియుడితో కలిసి ఓ మహిళ కట్టుకున్న భర్తను హతమార్చిన సంఘటన మహబూబ్ నగర్ జిల్లాలో చోటు చేసుకుంది. ఈ ఘటన అడ్డాకుల మండలంలోని ఓ గ్రామంలో చోటుచేసుకుంది. గ్రామానికి చెందిన మైబు గత కొన్ని రోజులుగా మద్యానికి బానిసయ్యాడు. భార్యను హింసిస్తున్నాడు.

భర్త తీరుతో విసిగిపోయిన భార్య.. తన ప్రియుడు సునీల్‌తో కలిసి భర్తను చంపేందుకు ప్రణాళిక వేసింది. వారం రోజుల క్రితం భర్త ఇంట్లో నిద్రిస్తున్న సమయంలో ఇద్దరు కలిసి కత్తులతో దాడి చేశారు. పోలీసులు కేసు నమోదు చేసుకొని దర్యాఫ్తు చేశారు. భార్య పైన అనుమానంతో పోలీసులు ఆ కోణంలో దర్యాఫ్తు జరిపారు. ప్రియుడితో కలిసి భర్త హతమార్చినట్లు గుర్తించారు. నిందితులకు రిమాండ్ విధించారు.

English summary

Woman kills husband with help of lover in Mahaboobnagar district.