గేదె దూడపై యువకుడి అత్యాచారం.. ఇదేం సిగ్గుమాలిన పనిరా !!

కామంతో కళ్లు మూసుకుపోయిన కొందరు మృగాళ్లు దారుణాలకు ఒడిగడుతున్నారు. కామాంధుల పాశవిక చేష్టలకు ఇప్పటికే ఎందరో మహిళలు బలయ్యారు. చిన్నారుల నుంచి వృద్ధుల వరకు వయసుతో సంబంధం లేకుండా అత్యాచారానికి గురైన వారు ఉన్నారు. ఇటీవల కాలంలో అయితే మనుషులపై తమ క్రూరత్వాన్ని చూపింది సరిపోక జంతువులపై సైతం విరుచుకుపడుతున్న ఘటనలు చూస్తూనే ఉంటున్నాం. లేటెస్ట్ గా మరోసారి సభ్య సమాజం కూడా తలదించుకునే ఘటన తెలంగాణ రాష్ట్రంలో చోటు చేసుకుంది.

ఇటీవల వనపర్తి జిల్లాలో గేదెలపై అత్యాచారం చేస్తూ ఓ వ్యక్తి ప్రాణాలు కోల్పోయిన ఘటన మరవక ముందే.. మెదక్ జిల్లాలో అలాంటి మరో దారుణం వెలుగులోకి వచ్చింది. గేదె దూడపై ఓ యువకుడు అత్యాచారం చేస్తూ రెడ్ హ్యాండెడ్ గా పట్టుబడ్డాడు. ఈ దారుణ ఘటనతో నిర్ఘాంత పోయిన గ్రామస్తులు నిందితుడికి దేహశుద్ది చేశారు. ఈ ఘటన మెదక్ జిల్లా చిన్నశంకరంపేట మండలం మీర్జాపల్లి గ్రామంలో జరగగా రాష్ట్ర వ్యాప్తంగా చర్చనీయాంశంగా మారింది.

ఈ ఘటనకు సంబంధించి పూర్తి వివరాల్లోకి వెళ్తే.. సిద్దిరాములు అనే రైతు తన వ్యవసాయ క్షేత్రంలోని పాకలో పశువులను పెంచుకుంటూ జీవనం కొనసాగిస్తున్నాడు. ఆదివారం సాయంత్రం మామూలుగా పశువులను కట్టేసి ఇంటికి వెళ్లిపోయాడు. అదే గ్రామంలో కూలీ పనులు చేస్తూ వచ్చిన బీహార్‌కు చెందిన రోహిత్ అనే యువకుడు.. రాత్రి 10 గంటల సమయంలో ఎవరూ లేకపోవడం గమనించి పాకలోకి దూరి ఏడాది వయసున్న గేదె దూడపై లైంగిక దాడి జరిపాడు.

సీసీటీవీలో బయటపడ్డ బండారం..

అయితే సిద్దిరాములు పశువుల పాకలో ఏర్పాటు చేసిన సీసీటీవీ కెమెరాలు ఈ ఘటన మొత్తాన్ని రికార్డు చేశాయి. తన మొబైల్‌లో అలర్ట్ రావడంతో వెంటనే ఆ దారుణాన్ని గమనించిన రైతు.. అక్కడికి చేరుకుని నిందితుడు రోహిత్‌ను రెడ్ హ్యాండెడ్‌గా పట్టుకున్నాడు. దీంతో గ్రామస్థులు అతనికి దేహశుద్ధి చేసి అనంతరం పోలీసులకు అప్పగించారు. ఇక వారి ఫిర్యాదు మేరకు పోలీసులు రోహిత్‌ను అదుపులోకి తీసుకుని IPC సెక్షన్లు, ప్రివెన్షన్ ఆఫ్ క్రూయెల్టీ టు యానిమల్స్ యాక్ట్ కింద కేసు నమోదు చేశారు. ప్రస్తుతం ఈ ఘటనపై దర్యాప్తు జరుగుతోందని తెలిపారు.

English summary

Some beasts blinded by lust are committing atrocities. Many women have already fallen victim to the brutal acts of lustful men. The latest incident that has once again shocked even the civilized society has taken place in the state of Telangana.