కెంటుకిలో బాలల ఆటపాటలు

బాలల దినోత్సవాన్ని పుర్సస్కరించుకుని జరిగిన "ఆటల పాటల సాయంత్రం" సాంస్కృతిక కార్యక్రమం తెలుగు అసోసియేషన్ అఫ్ కెంటుకి ఆధ్వర్యంలో కెంటుకి లోని లుయివిల్ నగరంలో అక్టోబర్ 30వ తేదీన విజయవంతంగా జరిగింది. చిన్నారులు, పెద్దలు ప్రదర్శించిన నృత్స్య, గాన ప్రదర్శనలు ప్రేక్షకులను అలరింప చేసాయి. డాక్టర్ విజయ్ కృష్ణ ఆధ్వర్యంలో సూపర్ జీనియస్ చిన్నారి 'ప్రణవ్ వీర' ఇచ్చిన ప్రదర్శన ప్రత్యెక ఆకర్షణగా నిలిచింది. సాంస్కృతిక పోటీల విజేతలకు సంస్థ చైర్మన్ సురేష్ కొడాలి బహుమతులు ప్రదానం చేసారు. ఈ కార్యక్రమానికి రఘు కొడుమూరి, రాధిక వేమ్మిరెడ్డి వాఖ్యానం చేసారు.

డాక్టర్ పుష్పలత పావులూరి స్వాగతోపన్యాసంతో కార్యక్రమం ప్రారంభమైంది. పిల్లల నృత్యాలు, లక్కరాజు ఘంటసాల పాటల ఆలాపన కార్యక్రమాలు ముందుకు సాగాయి. అనిత పాడిన పాటలు ప్రేక్షకులను మైమరిపించాయి. వండర్ కిడ్ ప్రణవ వీర తన ఐక్యూతో అందరినీ ఆశ్చర్యచకితులను చేశాడు. ఈ కార్యక్రమాన్ని విజయ్ సమన్వయం చేశారు. ఎన్టీఆర్ ను, ఎఎన్నార్ ను కొండవీటి దంపతులు అనుకరించి అబ్బురపరిచారు. పార్థా నరహరి, రామ్ వొంటిపల్లి, వేణు సబ్బినేని, అశోక్, ప్రతాప్ చిలుకూరి ఈ కార్యక్రమం విజయవంతం కావడానికి కృషి చేశారు.