చికాగోలో బతుకమ్మ వేడుకలు
నాలుగు వందల మందికి పైగా బతుకమ్మ పండుగలో పాల్గొన్నారు. చూడటానికి చాలా ముచ్చటగా ఉండటంతో స్థానికంగా ఉన్న అమెరికా కుటుంబాలు సైతం ఈ పండుగలో పాలు పంచుకున్నాయి. ఈ పండుగ సాంప్రదాయ బద్దంగా చాలా బతుకమ్మలతో, పూజతో ప్రారంభమైంది. బతుకమ్మలను వారి వారి ఇళ్ల వద్దనే తయారు చేసుకున్నారు. మహిళలు, పిల్లలు పాటలు పాడుతూ బతుకమ్మ ఆడుతుంటే మిగిలిన వారు వారిని ఉత్సాహపరిచారు. పెద్ద సంఖ్యలో అమ్మాయిలు ఈ బతుకమ్మ పండుగలో పాల్గొన్నారు. చితా మహిళా వాలెంటర్లు అక్కడ అందరినీ సమన్వయ పరిచారు.
మహిళలు సుమారు మూడు గంటల పాటు బతుకమ్మ ఆడారు. పలువురికి చితా ప్రైజులు అందజేసింది. ఈ కార్యక్రమం ఆసాంతం ఉత్సాహంగా నడిచింది. భారత్ నుండి వచ్చిన పలువురు తల్లిదండ్రులు ఈ కార్యక్రమాన్ని వీక్షించి ఆనందపడ్డారు. ఈ కార్యక్రమంలో పలువురు తెలంగాణ పెద్దలు తెలంగాణ విమోచన దినం గురించి వివరించారు. భారత్ నుండి వచ్చిన ప్రముఖ రచయిత లక్ష్మీకాంత్ ఈ కార్యక్రమంలో పాల్గొన్నారు. చితా మెంబర్స్ తెలంగాణ అభివృద్ధి ఆవశ్యకత, సంస్కృతి, సంప్రదాయాల పరిరక్షణ వివరించారు. చితా నిర్వహించిన ఈ కార్యక్రమాన్ని పలువురు వాలెంటీర్స్తో పాటు న్యూయార్క్ లైఫ్ ఇన్సురెన్సుకు చెందిన క్రిష్ణ రంగరాజు స్పాన్సర్ చేశారు. ఈ కార్యక్రమానికి సహకరించిన వారందరికీ చితా ధన్యవాదాలు తెలిపింది.
Click it and Unblock the Notifications
Sign in with Google