తెలంగాణ కోసం లండన్‌లో ప్రదర్శన

ప్రత్యేక తెలంగాణ రాష్ట్ర ఏర్పాటును కాంక్షిస్తూ తెలంగాణ రాష్ట్ర సమితి (తెరాస) ప్రవాస భారతీయుల విభాగం ఆధ్వర్యంలో ఈ నెల 10వ తేదీన లండన్‌లో ప్రదర్శన జరిగింది. ఈ విషయాన్ని తెరాస ఎన్నారై విభాగం అధ్యక్షుడు అనిల్ కూర్మాచలం ఓ ప్రకటనలో తెలిపారు. లండన్ సెంట్రల్‌లోని మహాత్మా గాంధీ విగ్రహం వద్ద నిరసన కార్యక్రమం చేపట్టామని, ప్రత్యేక తెలంగాణ రాష్ట్ర ఏర్పాటును కోరుతూ ప్లకార్డులు ప్రదర్శించామని ఆయన చెప్పారు.

పార్లమెంటు బడ్జెట్ సమావేశాల్లోనే తెలంగాణ రాష్ట్ర ఏర్పాటుకు బిల్లును ప్రతిపాదించాలని, ఇందుకు కేంద్ర ప్రభుత్వం చొరవ చూపాలని ఆయన కోరారు. తెలంగాణ ప్రాంతంలో జరుగుతున్న ఉప ఎన్నికల్లో తెరాస అభ్యర్థులను భారీ మెజారిటీతో గెలిపించాలని ఆయన ప్రజలను కోరారు.

English summary

TRS NRI wing organised dharna in front of Gandhi statue in Londan demanding statehood for Telangana.