నిత్యానంద భక్తుడిపై ఎన్నారై లేడీ రేప్ ఫిర్యాదు

By Pratap

Updated: Friday, August 10, 2012, 10:48 [IST]

ముంబై: ఆధ్యాత్మిక నేత స్వామి నిత్యానంద మరో వివాదంలో చిక్కుకున్నారు. నిత్యానంద భక్తుడు తనపై అత్యాచారం చేశాడంటూ ఓ ఎన్నారై మహిళ ఫిర్యాదు చేసినట్లు వార్తలు వచ్చాయి. అమెరికాలోని నిత్యానంద మాజీ భక్తురాలు ఆ ఫిర్యాదు చేసింది. 32 ఏళ్ల వివాహిత ముంబైలోని కోలాబా పోలీసు స్టేషన్‌లో ఆ మేరకు ఫిర్యాదు చేసినట్లు సమాచారం. నిత్యానంద శిష్యుడు తనకు బ్రెయిన్ వాష్ చేసి, నాలుగేళ్ల పాటు రేప్ చేసినట్లు ఆ మహిళ ఫిర్యాదు చేసినట్లు వార్తలు వచ్చాయి.

"నేను శివుడిని, నువ్వు పార్వతివి. నా పానీయంలో డ్రగ్స్ కలిపేవాడని, ఆ తర్వాత రేప్ చేసేవాడు" అని ఆమె పోలీసులకు చెప్పినట్లు తెలుస్తోంది. నిందితుడు ఎన్నారై వైద్యుడు. నిందితుడు, ఫిర్యాదుదారు - ఇద్దరు కూడా నిత్యానంద మాజీ భక్తులు. వారిద్దరు 2008లో తరుచుగా లాస్ ఏంజెలెస్‌లోని నిత్యానంద ఆశ్రమాన్ని సందర్సించేవారు. ఇది వరకే పలు వివాదాల్లో చిక్కుకున్న నిత్యానందను మరో వివాదం చుట్టుముట్టింది.

స్వామి నిత్యానంద పేరు వివాదాలకు మారుపేరుగా మారినట్లు కనిపిస్తోందని, ప్రపంచవ్యాప్తంగా లెక్కలేనంత మంది నిత్యానంద ఆశ్రమాలను సందర్శిస్తుంటారని, ఆశ్రమాలకు వచ్చేవారు తమ తమ వ్యక్తిగత జీవితాల్లో చేసే పనులకు నిత్యానంద స్వామికి సంబంధం అంటగట్టడం, దానికి నిత్యానంద బాధ్యత వహించాలనడం సరి కాదని నిత్యానంద స్వామి అధికార ప్రతినిధి అన్నారు.

నిత్యానంద స్వామి ఆడా, మగా అనే విషయంపై ఇప్పటికే వివాదం నడుస్తున్న విషయం తెలిసిందే. దానితో పాటు ఆయనపై పలు ఆరోపణలున్నాయి. ఆయన విదేశాలకు చెక్కేయడానికి ఇటీవల ప్రయత్నాలు చేసినట్లు కూడా వార్తలు వచ్చాయి.