NRI News: విమానంలో ఎన్నారై మహిళకు వేధింపులు.. కేసు నమోదు..
రాజస్థాన్లోని ఉదయ్పూర్ నుంచి ఇండోర్కు వెళ్తున్న విమానంలో వేధింపులకు గురికావడంపై ఓ ఎన్నారై (నాన్-రెసిడెంట్ ఇండియన్) మహిళ ఇండోర్ జిల్లాలోని పోలీస్ స్టేషన్లో ఫిర్యాదు చేసింది. విమానంలో తోటి ప్రయాణికుడు ఆమెను వేధించడంతో ఇండోర్ చేరుకున్న తర్వాత నగరంలోని ఏరోడ్రోమ్ పోలీస్ స్టేషన్లో ఫిర్యాదు చేశారు.
"అమెరికా నుంచి ఉదయ్పూర్ మీదుగా ఇండోర్ చేరుకున్న ఓ ఎన్నారై మహిళ.. గురువారం విమానంలో తనను ఓ వ్యక్తి వేధించాడని ఫిర్యాదు చేస్తూ ఏరోడ్రోమ్ పోలీస్ స్టేషన్లో ఫిర్యాదు చేసింది. ఆ మహిళ అమెరికాలో ఉంటూ అక్కడ ట్రైనీ పైలట్గా పనిచేస్తోంది. మహిళ ఫిర్యాదుపై, పోలీసులు గుర్తు తెలియని నిందితుడిపై IPC సెక్షన్ 354 (ఆమె నమ్రతను అగౌరవపరిచే ఉద్దేశ్యంతో ఒక మహిళపై దాడి లేదా క్రిమినల్ ఫోర్స్) కింద కేసు నమోదు చేసి, ఈ విషయంపై దర్యాప్తు ప్రారంభించారు" అడిషనల్ డిప్యూటీ కమిషనర్ ఆఫ్ పోలీస్ (ఏడీసీపీ) రాజేష్ దండోటియా అధికారి తెలిపారు.నిందితుడి గురించిన సమాచారం ఎయిర్లైన్ నుంచి కోరామని, ఆ తర్వాత తదుపరి చర్యలు తీసుకుంటామని ఆయన తెలిపారు.
అయితే విమానాల్లో వింతగా ప్రవర్తించడం, వేధించడం కొత్తేమి కాదు. గతంలో జర్మనీలోని ఫ్రాంక్ఫర్డ్ నగరం నుంచి బెంగళూరుకు బయల్దేరిన విమానంలో మహిళ వేధింపులకు గురయింది. ఆంధ్రప్రదేశ్లోని తిరుపతికి చెందిన 32 ఏళ్ల మహిళపై 52 ఏళ్ల ఓ వ్యక్తి వేధించాడు. ఫ్రాంక్ఫర్ట్- బెంగళూరు లుఫ్తాన్సా విమానంలో నవంబర్ 6 వ తేదీన ఈ ఘటన జరిగింది. ఆ మహిళ విమానంలో నిద్రపోతుండగా.. పక్కనే కూర్చున్న మరో ప్రయాణికుడు ఆమె పట్ల అసభ్యంగా ప్రవర్తించినట్లు ఫిర్యాదు చేసింది.
ఆమె ప్రైవేటు భాగాలను తాకుతూ తీవ్ర ఇబ్బందులకు గురి చేశాడని.. దీంతో ఆమె నిద్రలో నుంచి మెలకువ తెచ్చుకుని ఆ వ్యక్తిని నియంత్రించినట్లు చెప్పారు. ఆ తర్వాత కూడా ఆ వ్యక్తి అలాగే ప్రవర్తిస్తూ.. వేధింపులు ఆపకపోవడంతో ఎయిర్లైన్స్ సిబ్బందికి ఫిర్యాదు చేసినట్లు వివరించారు. దీంతో తనను ఎయిర్ లైన్స్ సిబ్బంది వేరే సీటులో కూర్చోబెట్టినట్లు తెలిపారు. డీజీసీఏ చర్యలు తీసుకుంటున్నప్పటికీ ఇలాంటి ఘటనలు జరగడం గమనార్హం.
Click it and Unblock the Notifications
Sign in with Google