ఐఫోన్ ప్రియులకు గుడ్ న్యూస్.. 17 సిరీస్ లాంఛ్ డేట్ ఫిక్స్ !

టెక్ దిగ్గజం యాపిల్ కొత్త ఐఫోన్ సిరీస్‌ను ఆవిష్కరించేందుకు టైమ్ ఫిక్స్ చేసింది. Awe dropping.. పేరుతో వచ్చే మంగళవారం (సెప్టెంబర్ 9న) ప్రత్యేక ఈవెంట్‌ నిర్వహించనుంది. ఐఫోన్ 17 సిరీస్‌ను అధికారికంగా లాంచ్ చేయనుంది. ఈసారి ఐఫోన్ డిజైన్‌లో గత ఐదేళ్లలో ఎన్నడూ లేని విధంగా భారీ మార్పులు ఉండబోతున్నాయని, 'ప్లస్' మోడల్ స్థానంలో సరికొత్తగా 'ఐఫోన్ 17 ఎయిర్'ను పరిచయం చేయనున్నారని జోరుగా ప్రచారం నడుస్తోంది.

మోడల్స్ జాబితా..

ఈసారి ఆపిల్ నాలుగు మోడల్స్‌ను ఆవిష్కరించనుంది:

iPhone 17

iPhone 17 Air

iPhone 17 Pro

iPhone 17 Pro Max

ఐఫోన్ 17 ఎయిర్ ఫీచర్స్..

లీకులు, సంబంధిత వర్గాల సమాచారం ప్రకారం.. ఐఫోన్ 17 ఎయిర్ కేవలం 5.5 మిల్లీమీటర్ల మందంతో ఇప్పటివరకు వచ్చిన ఐఫోన్ల లోనే అత్యంత సన్నని మోడల్‌గా రికార్డు సృష్టించబోతోందని అంటున్నారు. ఈ డిజైన్‌కు మ్యాక్‌బుక్ ఎయిర్, ఐప్యాడ్ ఎయిర్ ప్రేరణగా నిలిచాయని చెబుతున్నారు.

• 6.6 అంగుళాల డిస్‌ప్లే
• ప్రోమోషన్ సపోర్ట్
• A19 ప్రాసెసర్
• ఫిజికల్ సిమ్ లేకుండా కేవలం eSIM సపోర్ట్

అయితే, ఈ మోడల్‌లో బ్యాటరీ సామర్థ్యం తక్కువగా ఉండే అవకాశం ఉందని ప్రచారం. వెనుక భాగంలో ఒకే కెమెరా ఉండనుందని టాక్.

ప్రో & ప్రో మ్యాక్స్ ఫీచర్స్..

• ఐఫోన్ 17 ప్రో మోడల్స్ కెమెరా విభాగంలో భారీ మార్పులు తీసుకురానున్నాయి.
• 48MP ప్రైమరీ సెన్సార్
• అల్ట్రా వైడ్ లెన్స్
• టెలిఫోటో పెరిస్కోప్ జూమ్ లెన్స్
• మెరుగైన నైట్ మోడ్
• 8K వీడియో రికార్డింగ్, ProRes HDR సపోర్ట్

ఇక ఐఫోన్ 17 ప్రో మ్యాక్స్లో 5,000mAh బ్యాటరీ అమర్చనున్నట్లు తెలుస్తోంది. ఇది ఇప్పటివరకు ఐఫోన్‌లోనే అతిపెద్ద బ్యాటరీగా నిలవనుంది.

హార్డ్‌వేర్ & ప్రాసెసర్..

ఈ సిరీస్ అంతటా A19 Pro Bionic చిప్ను ఉపయోగించనున్నట్లు సమాచారం. ఇది 3nm ఆర్కిటెక్చర్పై ఆధారపడి, మెరుగైన AI ప్రాసెసింగ్ సామర్థ్యాలు కలిగి ఉంటుందని అంచనా.

కొత్త కలర్స్..

ఈ సిరీస్‌లో ఆకుపచ్చ, పర్పుల్ వంటి తాజా రంగులు కూడా అందుబాటులోకి వచ్చే అవకాశం ఉంది.

భారతీయ ధరల అంచనా..

iPhone 17 బేస్ మోడల్ - రూ.89,900 నుంచి

iPhone 17 Air - సుమారు రూ.94,900 - రూ.95,000 వరకు

iPhone 17 Pro - సుమారు రూ.1,21,900

iPhone 17 Pro Max - సుమారు రూ.1,39,900 - రూ.1,64,900 వరకు

అదనపు ప్రోడక్ట్స్..

ఐఫోన్ 17 సిరీస్‌తో పాటు ఈ ఈవెంట్‌లో యాపిల్ కొత్త Apple Watch, అప్‌డేటెడ్ పాడ్స్ ను కూడా లాంచ్ చేయనుంది.

English summary

Tech giant Apple has fixed a time to unveil the new iPhone series. It will hold a special event titled Awe dropping.. next Tuesday (September 9). The iPhone 17 series will be officially launched.