ఈ రాత్రికి ఆకాశంలో.. నెలవంక చుట్టూ మూడు గ్రహాల విన్యాసం
విశ్వం తన గర్భంలో దాచుకున్న అద్భుతాలను ఒక్కొక్కటిగా ఆవిష్కరిస్తోంది. మే 13-14 తేదీలలో ఆకాశంలో ఒక అరుదైన ఖగోళ విన్యాసం జరగనుంది. సన్నని నెలవంక చంద్రుడు, సౌర కుటుంబంలోని మూడు ప్రధాన గ్రహాలైన అంగారకుడు (మార్స్), శని, నెప్ట్యూన్లకు అత్యంత సమీపంగా రానున్నాడు. ఖగోళ ప్రియులను కట్టిపడేసే ఈ అద్భుత దృశ్యం ఈ రాత్రి నుండే ప్రారంభమై, రేపు తెల్లవారుజాము వరకు కనువిందు చేయనుంది.
ఈ ఖగోళ ప్రదర్శనలో సన్నని నెలవంక చంద్రుడు... శని, నెప్ట్యూన్, ఎర్రటి అంగారకుడి చెంత కదులుతున్నట్లు కనిపిస్తుంది. ముఖ్యంగా అంగారకుడు తన ప్రత్యేకమైన ఎర్రటి-నారింజ మెరుపుతో ప్రకాశవంతంగా దర్శనమివ్వగా, శని గ్రహం మృదువైన బంగారు రంగులో మెరుస్తూ పక్కనే కనిపిస్తుంది. అయితే, నెప్ట్యూన్ చాలా దూరంలో ఉండటం వల్ల దానిని చూడటానికి టెలిస్కోప్ లేదా శక్తివంతమైన ఆప్టికల్ పరికరాలు తప్పనిసరి అని శాస్త్రవేత్తలు సూచిస్తున్నారు.
భారత్లో ఎప్పుడు చూడాలి?
భారతదేశంలోని ఈ జాబిల్లి ఈ విన్యాసాన్ని వీక్షించడానికి మే 14వ తేదీ (గురువారం) తెల్లవారుజామున 4:00 నుంచి 5:30 గంటల మధ్య సమయం అత్యంత అనుకూలమైనది. సూర్యోదయానికి ముందు ఆకాశం చీకటిగా ఉండటం వల్ల గ్రహాల మెరుపును స్పష్టంగా చూడవచ్చు. కేవలం భారత్ లోనే కాకుండా అమెరికా, కెనడా, బ్రిటన్, ఆస్ట్రేలియా, ఐరోపా దేశాల నుండి కూడా ఈ దృశ్యం కనిపించనుంది.
ఫోటోగ్రాఫర్లకు సువర్ణావకాశం
ఖగోళ ఫోటోగ్రాఫర్లకు ఇది ఒక పండగ లాంటి వార్త. పౌర్ణమి నాటి చంద్రుడి కంటే నెలవంక స్థితిలో ఉన్నప్పుడే గ్రహాల ప్రకాశం మరింత స్పష్టంగా, నాటకీయంగా కనిపిస్తుంది. అయితే, స్థానిక వాతావరణం, మేఘావృతం మరియు కాంతి కాలుష్యం (Light Pollution) వంటివి వీక్షణ స్పష్టతను ప్రభావితం చేయవచ్చు. ఈ గ్రహాల సమరేఖణం శాస్త్రవేత్తలకు కక్ష్యా కదలికలను అధ్యయనం చేయడానికి ఉపయోగపడటమే కాకుండా, సాధారణ ప్రజలలో అంతరిక్ష విజ్ఞానం పట్ల ఆసక్తిని పెంచుతుంది.
Click it and Unblock the Notifications
Sign in with Google