చైనా.. మనతో పోటీనా?
China: అంతరిక్ష పరిశోధనల్లో డ్రాగన్ కంట్రీ చైనా మరో అడుగు ముందుకేసింది. ముగ్గురు వ్యోమగాములను అంతరిక్షానికి పంపించింది. ఈ ముగ్గురూ- చైనా సొంతంగా నిర్మించుకున్న అంతరిక్ష పరిశోధన కేంద్రం టియాంగ్యాంగ్ను చేరుకున్నారు. ఆరు నెలల పాటు అక్కడే ఉంటారు. తమ ప్రయోగాల్లో భాగంగా స్పేస్ వాక్ సైతం చేస్తారు.
ఈ ముగ్గురు వ్యోమగాములు- కమాండర్ కై గ్ఝుఝె, వైమానిక దళ మాజీ పైలెట్ సొంగ్ లింగ్డాంగ్, స్పేస్ ఫ్లైట్ ఇంజినీర్ వాంగ్ హౌజెను మోసుకుంటూ చైనా కాలమానం ప్రకారం మంగళవారం సాయంత్రం సరిగ్గా 4:27 నిమిషాలకు షెన్ఝౌ 19 స్పేస్ క్రాఫ్ట్ అంతరిక్షంలోకి దూసుకెళ్లింది. దీనికోసం లాంగ్ మార్చ్ 2ఎఫ్ రాకెట్ను ఉపయోగించింది.
ప్రయోగించిన సమయం నుంచి ఆరున్నర గంటల తరువాత తియాంగ్యాగ్ అంతరిక్ష కేంద్రానికి చేరుకుందని, దానితో అనుసంధానం విజయవంతమైందన చైనా ప్రకటించింది. టియాన్హే కోర్ మాడ్యూల్తో ఈ స్పేస్ క్రాఫ్ట్ లింక్ అయినట్లు వెల్లడించింది. ఈ ఆరు నెలల కాలంలో ఈ ముగ్గురు వ్యోమగాములు స్పేస్ వాక్ చేస్తారు.
చైనా అంతరిక్ష ప్రయోగాల చరిత్రలో ఇది 33వ ప్రయోగం. అన్క్రూడ్ టెస్ట్ ఫ్లైట్లు, క్రూడ్ మిషన్లు, టియాంగాంగ్ మాడ్యూల్స్ లాంచ్ చేయడం, తేలికపాటి స్పేస్ ల్యాబ్ మిషన్లను ఇదివరకు ప్రయోగించింది. స్పేస్క్రాఫ్ట్ టెస్ట్ ఫ్లైట్స్, టియాన్జౌ కార్గో, రీఫ్యూయలింగ్ మిషన్స్ సైతం ఇందులో ఉన్నాయి.
టియాంగ్యాంగ్ పరిశోధన కేంద్రాన్ని మరింత విస్తరించాలనుకుంటోంది చైనా. దీనికి గల సాధ్యసాధ్యాలపై ఈ ముగ్గురు వ్యోమగాములు అధ్యయనం చేస్తారు. దీనికి అవసరమైన ప్రాథమిక కార్యకలాపాలనూ పూర్తి చేసుకుంటారు. అవసరమైన డేటాను ఎప్పటికప్పుడు గ్రౌండ్ స్టేషన్కు పంపిస్తారు.
చంద్రుడిపైనా మనుషులను పంపించాలని చైనా ఇదివరకే నిర్ణయించిన విషయం తెలిసిందే. భూమికి 3,80,000 కిలోమీటర్ల దూరంలో ఉన్న చంద్రుడి ఉపరితలంపై ప్రయోగాలను చేయాలని ఎప్పటినుంచో ప్రణాళికలను వేస్తూ వస్తోంది. టియాంగ్యాంగ్ స్పేస్ సెంటర్ నుంచే దీన్ని చేపట్టాలని భావిస్తోంది.
కాగా 2035 నాటికి భారత్ సైతం సొంతంగా అంతరిక్ష ప్రయోగ కేంద్రాన్ని నిర్మించుకోవాలని లక్ష్యంగా పెట్టుకున్న విషయం తెలిసిందే. దీనికి భారతీయ అంతరిక్ష్ స్టేషన్ అని నామకరణం చేసింది. చంద్రుడిపై ప్రయోగాలు సాగించడానికి గగన్యాన్ మిషన్లనూ చేపట్టింది. చంద్రయాన్ 3నీ విజయవంతం చేసింది. ఇప్పుడు అదే బాటలో చైనా నడుస్తోండటం ప్రాధాన్యతను సంతరించుకుంది.
-
T20 WC 2026 ఫైనల్ గెలిచేది ఆ జట్టే: మహమ్మద్ అమీర్ -
140 కోట్ల మంది కలలు ఛిద్రం.. ప్రపంచ కప్ నుంచి భారత్ అవుట్! -
రైతు భరోసా నిధులు జమ విషయంలో లేటెస్ట్ అప్డేట్! -
మిథునరాశిలో బృహస్పతి ప్రత్యక్ష సంచారం.. ఈ రాశులవారు నక్కతోక తొక్కుతున్నారు! -
బెంగళూరుకు ప్రత్యేక రైళ్లు- ఏపీలో హాల్ట్ స్టేషన్లు -
ఉగాది నుంచి మకర రాశి, ధనుస్సు రాశి వారి జాతక ఫలం -
టాలీవుడ్ స్టార్ హీరో ఎంగేజ్మెంట్ -
రైతులకు శుభవార్త.. ఆ డబ్బులు నేరుగా మీ బ్యాంకు ఖాతాల్లోనే! -
today rashiphalalu:కుంభరాశిలో ముఖ్య గ్రహాలతో వీరింట సంపదల పంట! -
నరేంద్ర మోదీ స్టేడియంలో లక్కీ లెగ్ ల్యాండ్- లెక్క సరిపోయింది -
బంగాళాఖాతంపై ఉపరితల ఆవర్తనం- ఏపీలోని ఈ జిల్లాల్లో వర్షాలు -
26 ఏళ్లుగా వెంకటేష్ రికార్డును బద్ధలు కొట్టలేకపోతున్న తెలుగు స్టార్ హీరోలు
Click it and Unblock the Notifications
Sign in with Google