టెక్ మార్కెట్లో బెస్ట్ డీల్.. పిచ్చెక్కే ఫీచర్స్‌తో Infinix Note Edge 5G !

ఇన్ఫినిక్స్ కొత్తగా Infinix Note Edge 5G స్మార్ట్‌ఫోన్‌ను భారత్‌లో విడుదల చేసింది. మీడియం రేంజ్‌లో ప్రీమియం అనుభూతిని అందించేలా రూపొందించిన ఈ ఫోన్ తాజా Android 16 ఆధారిత XOS 16 పై రన్ అవుతుంది. ‌స్టైలిష్ కర్వ్డ్ డిజైన్, భారీ బ్యాటరీ మరియు స్మూత్ డిస్‌ప్లేతో ఈ ఫోన్ ఇప్పటికే టెక్ ప్రేమికుల దృష్టిని ఆకర్షిస్తోంది. ఈ హ్యాండ్‌సెట్ అమ్మకాలు ఫిబ్రవరి 25 నుంచి Flipkart మరియు Infinix అధికారిక ఆన్‌లైన్ స్టోర్లో ప్రారంభమయ్యాయి.

కస్టమర్లను పెంచుకోవడానికి ప్రముఖ కంపెనీలు కూడా తక్కువ బడ్జెట్ లో సైతం అదిరిపోయే ఫీచరను తీసుకొస్తున్నాయి. ఈ ఫోన్ Lunar Titanium, Stellar Blue, Silk Green కలర్ ఆప్షన్లలో అందుబాటులో ఉంటుంది. లాంచ్ ఆఫర్‌గా SBI, ICICI బ్యాంక్ కార్డులతో ₹2,000 వరకు ఇన్‌స్టంట్ డిస్కౌంట్ అందిస్తున్నారు. అదనంగా నో-కాస్ట్ EMI మరియు ఎక్స్చేంజ్ ఆఫర్లు కూడా ఉండే అవకాశం ఉంది.

ధరలు & లాంచ్ ఆఫర్లు..

6GB + 128GB - ₹21,999

8GB + 128GB - ₹23,999

8GB + 256GB - ₹25,999

Infinix Note Edge 5G ఫీచర్స్..

డిస్‌ప్లే..

ఇన్ఫినిక్స్ నోట్ ఎడ్జ్ 5Gలో 6.78 అంగుళాల 1.5K LTPS 3D కర్వ్డ్ AMOLED డిస్‌ప్లే ఉంది. ఇది 120Hz రిఫ్రెష్ రేట్ మరియు 4,500 nits గరిష్ట బ్రైట్‌నెస్‌తో స్మూత్ స్క్రోలింగ్, స్పష్టమైన విజువల్స్‌ను అందిస్తుంది. అలాగే Corning Gorilla Glass 7i రక్షణ స్క్రీన్‌కు అదనపు బలం ఇస్తుంది.

పనితీరు & స్టోరేజ్..

ఈ స్మార్ట్‌ఫోన్‌లో MediaTek Dimensity 7100 ప్రాసెసర్తో పాటు Mali-G610 GPU ఉంది. గేమింగ్ మరియు మల్టీటాస్కింగ్‌కు ఇది మంచి పనితీరును అందిస్తుంది. ఫోన్‌లో 8GB వరకు LPDDR5X RAM మరియు 256GB వరకు UFS 2.2 స్టోరేజ్ అందుబాటులో ఉంది. వర్చువల్ RAM ఫీచర్‌తో అదనపు మెమరీ విస్తరణ కూడా పొందవచ్చు.

కెమెరా..

ఫోటోగ్రఫీ కోసం 50MP ప్రైమరీ కెమెరాతో డ్యూయల్ రియర్ కెమెరా సెటప్ ఉంది. AI ఫీచర్లు, నైట్ మోడ్, HDR వంటి ఆప్షన్లు ఫోటో క్వాలిటీని మెరుగుపరుస్తాయి. సెల్ఫీల కోసం 13MP ఫ్రంట్ కెమెరా ఇవ్వబడింది.

బ్యాటరీ & ఛార్జింగ్..

ఈ పరికరంలో 6,500mAh భారీ బ్యాటరీ ఉంది. ఒకసారి ఛార్జ్ చేస్తే రోజంతా వినియోగానికి సరిపడే బ్యాకప్ ఇస్తుంది. 45W ఫాస్ట్ ఛార్జింగ్ మరియు 10W రివర్స్ వైర్డ్ ఛార్జింగ్ సపోర్ట్‌తో ఇతర పరికరాలను కూడా ఛార్జ్ చేయవచ్చు.

ఇతర ముఖ్యమైన ఫీచర్లు..

5G డ్యూయల్ సిమ్ సపోర్ట్

ఇన్-డిస్‌ప్లే ఫింగర్‌ప్రింట్ సెన్సర్

డాల్బీ ఆడియో సపోర్ట్

IP రేటింగ్ (స్ప్లాష్ రెసిస్టెన్స్)

AI కాల్ నాయిస్ రిడక్షన్ మరియు గేమింగ్ మోడ్

English summary

Even leading companies are introducing impressive features even on a low budget to increase customer base. In this process, Chinese smartphone brand Infinix has carved a niche for itself in the mid-range budget segment.