నాసా సంచలనం: సూర్యుడికి అత్యంత చేరువగా స్పేస్క్రాఫ్ట్!
NASA: అంతరిక్ష పరిశోధన చరిత్రలో నాసా మరో సరికొత్త రికార్డు సృష్టించింది. నాసాకు చెందిన 'పార్కర్ సోలార్ ప్రోబ్' అనే అంతరిక్ష నౌక సూర్యుడికి అత్యంత చేరువగా వెళ్లి సంచలనం సృష్టించింది. ఇంతకు ముందు ఏ మానవ నిర్మిత వస్తువూ సూర్యడికి ఇంత దగ్గరగా వెళ్లలేదు. ఈ ప్రయాణంలో ఈ స్పేస్క్రాఫ్ట్ గంటకు 6.87 లక్షల కిలోమీటర్ల వేగంతో దూసుకుపోయింది. ఈ వేగం ఎంతంటే ఒకవేళ్ల ఈ స్పేస్క్రాఫ్ట్ భూమి మీద ప్రయాణిస్తే.. కాశ్మీర్ నుంచి కన్యాకుమార్ వరకు ఉన్న దూరాన్ని కేవలం 19 సెకన్లలో చేరుకుంటుందని శాస్త్రవేత్తలు వెల్లడించారు.
ఈ మిషన్ ఉద్దేశం ఏమిటి?
ఈ మిషన్ ముఖ్య ఉద్దేశం సౌర వ్యవస్థలో అత్యంత శక్తివంతమైన సూర్యుడి గురించి మరింత లోతుగా తెలుసుకోవడం. సూర్యుడికి సంబంధించి ఇప్పటికీ అనేక రహస్యాలు ఉన్నాయి. వాటిని చేధించడమే ఈ మిషన్ లక్ష్యం.
ఈ మిషన్ ప్రత్యేకతలు
ప్రస్తుతం సూర్యుడు తన 11 ఏళ్ల చురుకైన చక్రంలోకి ప్రవేశించాడు. ఈ సమయంలో సూర్యుడిపై పేలుడు కార్యకలాపాలు ఎక్కువగా జరుగుతాయి. ఈ సందర్భంలో పార్కర్ సోలార్ ప్రోబ్ పనితీరు మరింత కీలకంగా మారింది. ఈ మిషన్ ద్వారా సూర్యుడి రహస్యాలను తెలుసుకోవడమే కాకుండా, భవిష్యత్తులో అంతరిక్ష ప్రయాణాలను సురక్షితంగా చేయడానికి, భూమిపై సాంకేతిక వ్యవస్థలను కాపాడటానికి అవసరమైన సమాచారాన్ని సేకరించడానికి శాస్త్రవేత్తలు ఆశిస్తున్నారు.
నాలుగోసారి వేగ రికార్డు
ఇంత వేగాన్ని పార్కర్ సోలార్ ప్రోబ్ సాధించడం ఇది మొదటిసారి కాదు. ఇద్ గత ఒక సంవత్సరంలో నాలుగోసారి ఇంత వేగాన్ని అందుకుంది. దీనికి ముందు డిసెంబర్ 24, 2024, మార్చి 22, 2025, జూన్ 19, 2025న కూడా ఈ అంతరిక్ష నౌక ఇదే వేగాన్ని చేరుకుంది. సూర్యుడికి దగ్గరగా వెళ్లిన ప్రతిసారీ దాని వేగం, ఉష్ణోగ్రతను తట్టుకునే సామర్థ్యం పరీక్షించబడుతుంది.
సైంటిస్టులకు అరుదైన అవకాశం
పార్కర్ సోలార్ ప్రోబ్ సూర్యుడి బాహ్య వాతావరణం గుండా వెళ్తూ.. దాని సోలార్ విండ్, ఫ్లేర్స్, కరోనల్ మాస్ ఎజెక్షన్ వంటి సంఘటనల నుంచి కీలకమైన డేటాను సేకరిస్తోంది. ఈ సమాచారం భూమిపై అంతరిక్ష వాతావరణం (స్పేస్ వెదర్) ప్రభావాన్ని అర్థం చేసుకోవడానికి, దానిని ముందే అంచనా వేయడానికి చాలా కీలకమైనది ఎందుకంటే అంతరిక్ష వాతావరణం ఉపగ్రహాలు, కమ్యూనికేషన్ నెట్వర్క్లు, విద్యుత్ గ్రిడ్లపై ప్రభావాన్ని చూపగలదు.
-
ఎన్టీఆర్ పాటకు స్టెప్పులేసిన సితార.. వైరల్ వీడియో -
నక్కతోక తొక్కిన "అస్సాం బ్యూటీ".. నందమూరి హీరోతో స్టెప్పులేసే ఛాన్స్ !! -
ఏపీలో స్థానిక సంస్థల పునర్విభజన- మారిపోతున్న ముఖచిత్రాలు -
PNGకి మారకపోతే LPG సిలెండర్ కట్..! కేంద్రం డెడ్ లైన్..! -
చమురు, గ్యాస్ పరిస్ధితి ఇదీ- అఖిలపక్ష భేటీలో తేల్చేసిన కేంద్రం..! -
నన్ను ఆ డైరెక్టర్ ఎక్కడెక్కడో పట్టుకున్నాడు.. కానీ అమ్మానాన్న సర్దుకుపోమన్నారు !! -
Iran: ట్రంప్ కు ఇరాన్ దిమ్మతిరిగే షాక్..! సీజ్ ఫైర్ కు కఠిన షరతులివే..! -
ఇంధన కొరత వేళ.. తెలంగాణ ఆర్టీసీ సంచలన నిర్ణయం -
‘దీదీ’ రాజీనామా.. ఎన్నికల వేళ మమత సంచలన నిర్ణయం! -
ఏపీలో తెలంగాణ సీఎం.. లోకేష్ బంపర్ ఆఫర్ -
అంతా అయిపోయింది- డొనాల్డ్ ట్రంప్ -
Red Alert: వడగళ్ల వాన, రాబోయే రెండు గంటల్లో భారీ వర్షం
Click it and Unblock the Notifications
Sign in with Google