CMF నుంచి కొత్త ఫోన్ లాంఛ్.. ఫీచర్స్ మామూలుగా లేవుగా !

భారత్ మార్కెట్లో Nothing ఫోన్ లకు సపరేట్ ఫ్యాన్స్ ఉంటారు. ఇప్పుడు నథింగ్ సబ్ బ్రాండ్ అయిన CMF నుంచి రెండో స్మార్ట్‌ఫోన్ CMF Phone 2 Pro భారత మార్కెట్లో విడుదలైంది. కంపెనీ ముందుగానే ప్రకటించినట్లుగా, ఈ ఫోన్‌ను మే 1న లాంచ్ చేసింది. ఫీచర్లు, డిజైన్, ప్రదర్శన సహా మరింత సమాచారం మీకోసం ప్రత్యేకంగా..

ఈ డివైస్ 6.77 అంగుళాల FHD+ 120Hz Super AMOLED డిస్‌ప్లేతో వస్తోంది, ఇది 3000 నిట్స్ వరకు పీక్ బ్రైట్‌నెస్‌ను అందిస్తుంది. గత మోడల్‌తో పోల్చితే స్క్రీన్ కాస్త పెద్దదిగా ఉండే ఈ ఫోన్, పాండా గ్లాస్ ప్రొటెక్షన్ కలిగి ఉంది. ఫోన్ మందం 7.8mm మాత్రమే కాగా, బరువు 185 గ్రాములు మాత్రమే కావడం విశేషం. ప్రాసెసర్ పరంగా, ఇందులో MediaTek Dimensity 7300 Pro చిప్‌సెట్ను ఉపయోగించారు. ఇది గత మోడల్ కన్నా 10% వేగవంతమైన CPU, 5% మెరుగైన GPU పనితీరును అందిస్తుంది. 6వ తరం NPU సహాయంతో 4.8 TOPS AI సామర్థ్యం ఉంది.

CMF Phone 2 Pro ఇతర ముఖ్యమైన ఫీచర్లు..

స్టోరేజ్..

8GB RAM

128GB / 256GB స్టోరేజ్ వేరియంట్లు

microSD కార్డ్ ద్వారా 2TB వరకు స్టోరేజ్ అందిస్తుంది. ఈ ఫోన్ Android 15 ఆధారిత Nothing OS 3.2 పై రన్ అవుతుంది. కంపెనీ నుంచి 3 సంవత్సరాల Android OS అప్‌డేట్స్, 6 సంవత్సరాల సెక్యూరిటీ ప్యాచ్లు హామీగా లభిస్తాయి.

AI ఫీచర్లు..

కంపెనీ ప్రత్యేకంగా ప్రవేశపెట్టిన Essential Space అనే కొత్త AI ఫీచర్ ఫోన్‌లో లభిస్తుంది. ఇందులో మీరు నోట్స్, ఆలోచనలు, ఇన్‌స్పిరేషన్లను సురక్షితంగా భద్రపరచవచ్చు. Essential Key ద్వారా ఏ కంటెంట్‌ను అయినా వెంటనే క్యాప్చర్ చేసి, ఈ స్పేస్‌కు పంపవచ్చు - ఇది కొత్త తరహా డిజిటల్ ఆర్గనైజేషన్ టూల్‌లా పనిచేస్తుంది.

కెమెరా..

CMF Phone 2 Pro ట్రిపుల్ కెమెరా సెటప్‌తో వస్తోంది:

50MP ప్రైమరీ కెమెరా

8MP అల్ట్రా వైడ్ లెన్స్

50MP 2x టెలిఫోటో కెమెరా

ఇది 20x డిజిటల్ జూమ్, 4K వీడియో రికార్డింగ్ మద్దతుతో ఉంటుంది. 16MP ఫ్రంట్ కెమెరా సాయంతో సెల్ఫీలు, వీడియో కాల్స్ స్పష్టంగా తీసుకోవచ్చు.

బ్యాటరీ..

5000mAh బ్యాటరీ

33W ఫాస్ట్ ఛార్జింగ్

రంగులు..

ఈ ఫోన్ నాలుగు స్టైలిష్ రంగుల్లో లభిస్తుంది. వైట్, బ్లాక్ - గ్లాస్ ఫినిష్, లైట్ గ్రీన్ - గ్లాస్ ఫినిష్, ఆరెంజ్ - మెటాలిక్ షీన్

సెక్యూరిటీ..

In-display Optical Fingerprint Scanner

IP54 ధూళి, నీటి నిరోధకత

లిక్విడ్ కూలింగ్ సిస్టమ్

150% అల్ట్రా వాల్యూమ్ బాటమ్ ఫైర్ స్పీకర్లు

ధర..

8GB + 128GB - రూ.18,999

8GB + 256GB - రూ.20,999

ఈ ఫోన్ మే 5 నుంచి ఫ్లిప్‌కార్ట్, క్రోమా, విజయ్ సేల్స్ వంటివాటి ద్వారా కొనుగోలుకు అందుబాటులో ఉంటుంది. లాంచ్ ఆఫర్లలో భాగంగా HDFC, ICICI, SBI, Axis బ్యాంక్ కార్డులపై రూ.1000 తక్షణ డిస్కౌంట్ ఇస్తున్నారు. ఎక్స్ఛేంజ్ ఆఫర్ ద్వారా అదనంగా రూ.1000 తగ్గింపు లభిస్తుంది.

English summary

Nothing phones have a dedicated fan base in the Indian market. Now, the second smartphone from Nothing's sub-brand CMF, the CMF Phone 2 Pro, has been launched in the Indian market.