10,001mAh భారీ బ్యాటరీతో "రియల్మీ" కొత్త ఫోన్.. ఇండియాలో ఫస్ట్ టైమ్ !!
ప్రముఖ స్మార్ట్ఫోన్ బ్రాండ్ "రియల్మీ" భారతీయ మార్కెట్లో బలమైన స్థానం సంపాదించింది. ఎక్కువగా యువతను ఆకర్షించే ఈ బ్రాండ్.. తక్కువ ధరలోనే బెస్ట్ ఫీచర్స్ అందిస్తూ వినియోగదారుల నమ్మకాన్ని పొందింది. కాగా ఇండియాలో రియల్మీ ప్రస్థానం 2018లో ప్రారంభమవ్వగా.. అప్పటి నుంచి బడ్జెట్ నుంచి ఫ్లాగ్షిప్ వరకూ పలు సెగ్మెంట్లలో ఫోన్లను విడుదల చేస్తూ పలు బ్రాండ్లకు గట్టి పోటీని ఇస్తోంది. లేటెస్ట్ గా రియల్ మీ 'P' సిరీస్లో నుంచి కొత్తగా మరో స్మార్ట్ ఫోన్ రిలీజ్ చేసేందుకు రెడీ అయ్యింది.
స్మార్ట్ఫోన్ రంగంలో కొత్త కొత్త టెక్నాలజీలతో ముందంజలో ఉన్న రియల్మీ (realme) మరోసారి సంచలనం సృష్టించేందుకు సిద్ధమైంది. బ్యాటరీ లైఫ్ విషయంలో వినియోగదారులు ఎదుర్కొంటున్న సమస్యలకు చెక్ పెట్టేలా, కంపెనీ భారత మార్కెట్లో భారీ బ్యాటరీ సామర్థ్యంతో కొత్త స్మార్ట్ఫోన్ను విడుదల చేయబోతోంది. దేశంలోనే తొలిసారిగా 10,001mAh బ్యాటరీతో రూపొందించిన 'రియల్మీ P4 పవర్ 5G' స్మార్ట్ఫోన్ను ఈ నెల జనవరి 29న అధికారికంగా లాంచ్ చేయనున్నట్లు కంపెనీ ప్రకటించింది. ఈ ఫోన్ realme.com మరియు ఫ్లిప్కార్ట్లో విక్రయానికి అందుబాటులో ఉండనుంది. ఈ స్మార్ట్ ఫోన్ ఫీచర్స్ మీకోసం ప్రత్యేకంగా..
( Realme )10,001mAh భారీ బ్యాటరీ..
రియల్మీ ( Realme ) P4 పవర్ 5Gలో అతిపెద్ద హైలైట్ ఇదే. ఒకసారి పూర్తిగా ఛార్జ్ చేస్తే, దీర్ఘకాలం ఫోన్ను ఉపయోగించుకునేలా భారీ బ్యాటరీని అందించారు. రోజువారీ వినియోగం, గేమింగ్, వీడియో స్ట్రీమింగ్కు ఇది ఎంతో ఉపయోగకరంగా ఉంటుంది. అలానే ఈ స్మార్ట్ఫోన్ను ఫైవ్-లేయర్ బ్యాటరీ సేఫ్టీ ఆర్కిటెక్చర్తో రూపొందించారు. దీనికి TÜV రైన్ల్యాండ్ 5-స్టార్ బ్యాటరీ సేఫ్టీ సర్టిఫికేషన్ లభించింది. భద్రత, మన్నిక పరంగా ఇది టాప్ క్లాస్ అని కంపెనీ చెబుతోంది. బ్యాటరీ త్వరగా డ్యామేజ్ అవకుండా ఉండేందుకు టైటాన్ లాంగ్-లైఫ్ అల్గారిథమ్ను రియల్మీ ఇందులో అందించింది. 4 సంవత్సరాల తర్వాత కూడా 80 శాతానికి పైగా బ్యాటరీ హెల్త్ అందిస్తుంది. మొత్తం 8 సంవత్సరాల బ్యాటరీ ప్రమాణాలకు అనుగుణంగా డిజైన్ చేసినట్టు సమాచారం.
డిజైన్..
పెద్ద బ్యాటరీ ఉన్నప్పటికీ ఫోన్ బరువు ఎక్కువగా ఉండదని రియల్మీ స్పష్టం చేసింది.
బరువు: 219 గ్రాములు
మందం: 9.08mm
అధునాతన సిలికాన్-కార్బన్ యానోడ్ టెక్నాలజీ వల్ల ఇది సాధ్యమైంది.
మిలిటరీ-గ్రేడ్ మన్నిక..
రియల్మీ P4 పవర్ 5G మిలిటరీ-గ్రేడ్ షాక్ టెస్ట్లను విజయవంతంగా పూర్తి చేసింది. రోజువారీ వాడకంలో పడిపోవడం వంటి చిన్న ప్రమాదాలను ఇది తట్టుకోగలదని కంపెనీ వెల్లడించింది. ఈ ఫోన్ -30 డిగ్రీల చలి నుంచి 56 డిగ్రీల వేడి వరకు ఎలాంటి వాతావరణ పరిస్థితుల్లోనైనా స్టేబుల్గా పనిచేస్తుంది. అవుట్డోర్ యూజర్లకు ఇది పెద్ద ప్లస్గా మారనుంది.
5G సపోర్ట్ & ఆధునిక టెక్నాలజీ..
రియల్మీ P4 పవర్ 5G పూర్తి స్థాయి 5G కనెక్టివిటీతో వస్తోంది. భవిష్యత్ అవసరాలకు అనుగుణంగా ఈ ఫోన్ను రూపొందించినట్లు కంపెనీ తెలిపింది.
మొత్తం మీద బ్యాటరీ సామర్థ్యం, భద్రత, మన్నిక, దీర్ఘకాల పనితీరు.. ఇలా అన్నీ కలిపి రియల్మీ P4 పవర్ 5G మంచి ఛాయిస్ గా నిలుస్తుంది. పవర్ బ్యాంక్ అవసరం లేకుండా, ఎక్కువసేపు ఫోన్ వాడాలనుకునే వినియోగదారులకు ఒక బెస్ట్ ఆప్షన్ అని చెప్పవచ్చు.
Click it and Unblock the Notifications
Sign in with Google