మైండ్ బ్లాంక్ చేయబోతున్న SAMSUNG.. " ట్రై-ఫోల్డ్ ఫోన్ " లాంఛ్ !

ప్రస్తుతం టెక్ మార్కెట్‌లో ఫోల్డబుల్ మొబైల్ ఫోన్ల హవా కొనసాగుతుంది. ఇప్పటికే పలు కంపెనీలు ఈ మోడల్స్ లో కొత్త ఫోన్స్ లాంఛ్ చేస్తున్నాయి. అయితే ఇప్పటి వరకు డబుల్ ఫోల్డ్ మొబైల్స్ రిలీజ్ అవ్వగా.. ఇప్పుడు సౌత్ కొరియన్ ఎలక్ట్రానిక్ దిగ్గజం శాంసంగ్‌ మరో సంచలనానికి తెరలేపింది. తొలి ట్రై-ఫోల్డ్ మొబైల్ ఫోన్ ని రంగంలోకి దిగేందుకు సిద్ధమవుతోంది. కంపెనీ ఈ ఫోన్‌ను శాంసంగ్ గెలాక్సీ G ఫోల్డ్ (Galaxy G Fold) పేరిట రిలీజ్ చేయనుందని సమాచారం.

కాగా గతేడాది శాంసంగ్ డెవలపర్ కాన్ఫరెన్స్‌ (SDC)లో కంపెనీ తొలిసారిగా ట్రై-ఫోల్డబుల్ ఫోన్ నమూనాను ప్రదర్శించింది. అప్పటినుంచి ఈ మోడల్ పై శాంసంగ్ కసరత్తులు కొనసాగిస్తోంది. ఈ ఏడాది జులైలో జరిగే గెలాక్సీ అన్‌ప్యాక్డ్ ఈవెంట్‌లో గెలాక్సీ G ఫోల్డ్ ఆవిష్కరించే అవకాశముంది. దీనితో పాటు గెలాక్సీ జెడ్ ఫ్లిప్ 7 FE కూడా లాంచ్ కానుందని తెలుస్తోంది.

లాంచ్ టైమ్‌లైన్..

ఈ ఏడాది లోనే గెలాక్సీ Z ఫోల్డ్ 7, గెలాక్సీ Z ఫ్లిప్ 7లతో పాటు ఈ ట్రై ఫోల్డబుల్ ఫోన్‌ను లాంచ్ చేసే అవకాశం ఉంది. మరోవైపు నవంబర్ 29, 2025న దక్షిణ కొరియాలో జరగబోయే ఓ గ్రాండ్ ఈవెంట్‌లో శాంసంగ్ మూడు హ్యాండ్‌సెట్స్ - ట్రై ఫోల్డ్ ఫోన్, XR హెడ్‌సెట్‌ (Project Moohan), AI గ్లాసెస్ - ఆవిష్కరించనుందని ఓ నివేదిక తెలిపింది. ఈ హ్యాండ్‌సెట్స్ 2026 ప్రారంభంలో ఎంపిక చేసిన మార్కెట్లలో అందుబాటులోకి వచ్చే ఛాన్స్ ఉందని అంటున్నారు.

హువావే మేట్ XTతో పోటీ..

ప్రస్తుతం గ్లోబల్ మార్కెట్లో ట్రై-ఫోల్డ్ విభాగంలో ఉంది Huawei Mate XT. శాంసంగ్ గెలాక్సీ G ఫోల్డ్ దానికి ప్రత్యర్థిగా నిలవనుంది. అయితే డిజైన్, డిస్‌ప్లే పరిమాణాల్లో ఇది మేట్‌ ఎక్స్‌టీ కంటే భిన్నంగా ఉంటుంది.

శాంసంగ్‌ ట్రై-ఫోల్డబుల్ ఫోన్ స్పెసిఫికేషన్లు (లీక్ వివరాలు)..

డిస్‌ప్లే..

కవర్ డిస్‌ప్లే : 6.4-6.54 అంగుళాలు

మెయిన్ ఇన్నర్ ఫోల్డబుల్ డిస్‌ప్లే : 9.9-10.2 అంగుళాలు

ఫోల్డింగ్ మెకానిజం : డ్యూయల్ ఇన్నర్-ఫోల్డింగ్ డిజైన్ (రెండు వైపులా లోపలికి మడత)

డిజైన్..

హోల్-పంచ్ కటౌట్‌తో ఆకర్షణీయమైన డిజైన్

అండర్ డిస్‌ప్లే కెమెరా టెక్నాలజీ : ఉండే అవకాశం తక్కువ

బ్యాటరీ..

5,600mAh బ్యాటరీ

ఛార్జింగ్ : 66W వైర్డ్ ఫాస్ట్ ఛార్జింగ్, 50W వైర్‌లెస్ ఛార్జింగ్ సపోర్ట్

చార్జింగ్ వేగం : 23W-24W మధ్య లీక్ సమాచారం

ప్రత్యేక ఫీచర్..

S Pen సపోర్ట్

ధర (అంచనా)..

శాంసంగ్ గెలాక్సీ G ఫోల్డ్ భారీ ధర ట్యాగ్‌తో రావచ్చని లీకులు సూచిస్తున్నాయి. హువావే మేట్ XT లాంచ్ ధర దాదాపు 2,800 డాలర్లు (₹2.38 లక్షలు)గా ఉండగా.. గెలాక్సీ G ఫోల్డ్ కూడా దానికి సమానంగా లేదా కొంచెం ఎక్కువగా ఉండే అవకాశముంది.

అలానే ఫోన్‌తోపాటు శాంసంగ్ మరో రెండు ఇన్నోవేటివ్ ప్రొడక్ట్స్‌ను కూడా తీసుకురానుంది. గెలాక్సీ G ఫోల్డ్ మొట్టమొదట స్పెషల్ ఎడిషన్ గా.. పరిమిత సంఖ్యలో మాత్రమే లభించే అవకాశముందని సమాచారం. ఇది ప్రీమియం కేటగిరీ యూజర్లను టార్గెట్ చేస్తుందని అంచనా.

English summary

trend of foldable mobile phones continues in the tech market. Now, South Korean electronics giant Samsung has created another sensation. It is preparing to launch the first tri-fold mobile phone.