తలా ఫ్యాన్స్కు బ్యాడ్ న్యూస్.. ధోనీ వీడ్కోలుపై బిగ్ అప్డేట్!
IPL 2026: ప్రతి ఐపీఎల్ సీజన్ ముగియగానే దిగ్గజ క్రికెటర్ మహేంద్ర సింగ్ ధోని రిటైర్మెంట్పై చర్చ జరగడం సాధారణమే. అయితే ఈ సారి ఐపీఎల్ 2026 మినీ వేలం ముగిసిన వెంటనే చెన్నై సూపర్ కింగ్స్ అభిమానులకు ఒక చేదువార్త వినిపిస్తోంది. ఈ సారి టీమిండియా మాజీ ఆటగాడు, సీఎస్కే మాజీ స్టార్ రాబిన్ ఉతప్ప చేసిన కామెంట్స్ ప్రాధాన్యతను సంతరించుకున్నాయి. ఎంఎస్ ధోనీ రిటైర్మెంట్పై సంచలన కామెంట్స్ చేశాడు. ఐపీఎల్ 2026 సీజన్ ధోనీకి చివరిది కాబోతుందని రాబిన్ ఉతప్ప స్పష్టం చేశాడు.
ఉతప్ప ఏమన్నారంటే?
జియో సినిమా వేదికగా రాబిన్ ఉతప్ప మాట్లాడుతూ.."ఈసారి ఎటువంటి ఊహాగానాలకు తావు లేదు. ఐపీఎల్ 2026 కచ్చితంగా ధోనీకి చివరి సీజన్ అవుతుంది. ఇందులో ఎటువంటి సందేహం లేదు. సీఎస్కే మేనేజ్మెంట్ గత రెండేళ్లుగా యువ ఆటగాళ్లపై పెడుతున్న పెట్టుబడి చూస్తుంటే ఈ విషయం స్పష్టమవుతోంది" అని పేర్కొన్నారు.
సీఎస్కే వ్యూహంలో మార్పు.. ధోనీకి మెంటర్ రోల్?
ఈ ఏడాది వేలంలో సీఎస్కే అనుసరించిన వ్యూహాన్ని రాబిన్ ఉతప్ప విశ్లేషించారు. సీఎస్కే ఇకపై అనుభవజ్ఞులైన ఆటగాళ్ల కంటే భవిష్యత్తు తారలపై దృష్టి సారిస్తోంది. అన్ క్యాప్డ్ ప్లేయర్లు ప్రశాంత్ వీర్ (రూ. 14.2 కోట్లు), కార్తీక్ శర్మ (రూ. 14.2 కోట్లు) కోసం రికార్డు ధర వెచ్చించడం దీనికి నిదర్శనం.
ఆటగాడిగా తప్పుకున్నాక, ధోనీ సీఎస్కే జట్టుకు మెంటర్ బాధ్యతలు చేపట్టే అవకాశం ఉందని ఉతప్ప జోస్యం చెప్పారు. ఇప్పటికే ధోనీ ఆ కోణంలోనే జట్టును సిద్ధం చేస్తున్నారని ఆయన అభిప్రాయపడ్డారు.
వేలంలో సీఎస్కే సంచలనం
అబుదాబిలో జరిగిన మినీ వేలంలో సీఎస్కే తన పంథాను మార్చుకుంది. రాజస్థాన్ రాయల్స్ జట్టు నుంచి సంజూ శాంసన్ ట్రేడ్ ద్వారా సీఎస్కేలోకి రావడం జట్టుకు బలంగా మారింది. లెగ్ స్పిన్నర్ రాహుల్ చాహర్ను రూ.5.2 కోట్లకు సొంతం చేసుకుంది. మిడిలార్డర్ బలోపేతం కోసం సర్ఫరాజ్ను రూ. 75 లక్షలకు కొనుగోలు చేసింది. 44 ఏళ్ల ధోనీ ఐపీఎల్ 2025లో అన్క్యాప్డ్ ప్లేయర్గా రిటెన్షన్ పొంది, ఇప్పుడు 2026 సీజన్ కోసం సిద్ధమవుతున్నారు. ఉతప్ప అన్నట్లుగా ఈ 'చివరి వేడుక' తర్వాత మహీ ఆటగాడిగా మైదానానికి వీడ్కోలు పలుకుతారో లేదో చూడాలి!
-
రేసు గుర్రాన్ని పక్కన పెట్టిన ఆర్సీబీ -
IPL 2026 Fan Parks: 15 నగరాల్లో ఐపీఎల్ ఫ్యాన్ పార్క్ లు-తెలంగాణలో..! -
RCB సంచలన నిర్ణయం- ఇక ప్రతీ మ్యాచ్ కూ స్టేడియంలో ఆ 11 సీట్లు రిజర్వ్..! -
ఆరో గేర్లో బాదుతాడు.. కానీ ఐస్క్రీం వద్దే ఆగిపోతాడు! -
తులా రాశి, వృశ్చిక రాశి ఏప్రిల్ నెల జాతక ఫలం -
PM Modi: అన్నింటికీ సిద్దం అయిపోండి..! ప్రధాని మోడీ షాకింగ్ పిలుపు..! -
బంగారం ధరలు అధోగతి- కనీవినీ ఎరుగనంత పతనం -
సికింద్రాబాద్ స్టేషన్ సిద్దం, ప్రధాని మోదీ ప్రారంభం - ముహూర్తం ఫిక్స్..!! -
మకరరాశి వార్షిక జాతకం ఇలా.. ఈ ఏడాది విశేష లాభాలు! -
రైతు భరోసా నిధులు జమ కాలేదా, ఇలా చేయండి- వెంటనే..!! -
విజయ్కు షాకిచ్చిన సర్వే!: ఆ పార్టీకి 180+ సీట్లు -
"నాకు అమ్మా నాన్న లేరు సార్ మీరే నాకు అమ్మా నాన్న.. పాస్ చేయండి సార్"
Click it and Unblock the Notifications
Sign in with Google