రోహిత్ సేన రుణం తీర్చుకున్న బీసీసీఐ

Champions Trophy 2025: ఛాంపియన్స్ ట్రోఫీలో అదరగొట్టిన భారత జట్టుకు బంపర్ ఆఫర్ లభించింది. కోట్ల రూపాయల మేర క్యాష్ రివార్డు అందుకోనుంది. ప్రతిష్ఠాత్మక ఈ టోర్నమెంట్‌లో చెమటోడ్చినందుకు తగిన ప్రతిఫలాన్ని దక్కించుకుంది రోహిత్ సేన. ఈ ట్రోఫీని కైవసం చేసుకున్న నేపథ్యంలో భారత క్రికెట్ కంట్రోల్ బోర్డు ఏకంగా 58 కోట్ల రూపాయల నగదు బహుమతిని ప్రకటించింది.

దుబాయ్ ఇంటర్నేషనల్ క్రికెట్ స్టేడియంలో ఈ నెల 9వ తేదీన జరిగిన ఛాంపియన్స్ ట్రోఫీ ఫైనల్స్‌లో న్యూజిలాండ్‌ను ఓడించింది టీమిండియా. తిరుగులేని విజయాన్ని అందుకుంది. ఈ టోర్నమెంట్‌లో తొలుత బంగ్లాదేశ్, ఆ తరువాత పాకిస్తాన్, చివరి లీగ్‌లో న్యూజిలాండ్‌ను ఓడించంది. మొత్తం మీద ఒక్క మ్యాచ్ కూడా ఓడిపోకుండా చరిత్ర సృష్టించింది.

ఇదే దూకుడును సెమీ ఫైనల్స్, ఫైనల్స్‌లోనూ కొనసాగించింది. సెమీస్‌లో సమవుజ్జీ ఆస్ట్రేలియాకు చుక్కలు చూపించింది. ఫైనల్స్‌లో తొలుత బ్యాటింగ్‌కు దిగిన న్యూజిలాండ్‌ను 251 పరుగులకే పరిమితం చేయగలిగారు భారత బౌలర్లు. డారిల్ మిఛెల్, రచిన్ రవీంద్ర, కేన్ విలియమ్సన్, గ్లెన్ ఫిలిప్స్ వంటి బ్యాటర్లను తక్కువ స్కోరుకే నిలువరించగలిగారు.

బౌలర్లు కుల్‌దీప్ యాదవ్, వరుణ్ చక్రవర్తి రాణించారా మ్యాచ్‌లో. న్యూజిలాండ్ నిర్దేశించిన లక్ష్యాన్ని అలవోకగా కొట్టిపడేసింది టీమిండియా. 83 బంతుల్లో 76 పరుగులు చేశాడు కేప్టెన్ రోహిత్ శర్మ. జట్టును విజయం దిశగా ముందుండి నడిపించాడు. శ్రేయాస్ అయ్యర్, వికెట్ కీపర్ బ్యాటర్ కేఎల్ రాహుల్, ఆల్ రౌండర్ అక్షర్ పటేల్.. తమవంతు పాత్ర పోషించారు.

Champions Trophy 2025: How Much Prize Money India Will Take Home After 4-Wicket Victory Over New Zealand In Final?- All You Need To Know#ChampionsTrophy #ChampionsTrophyFinal #ChampionsTrophy2025

READ: https://t.co/PxrANIutTQ pic.twitter.com/tEmpV4pg9y

— myKhel.com (@mykhelcom) March 9, 2025

పాకిస్తాన్‌పై జయకేతనాన్ని ఎగురవేయడంతో పాటు ఫైనల్స్‌లో ఆధిపత్యాన్ని ప్రదర్శించినందుకు భారత జట్టుకు క్యాష్ రివార్డ్ ప్రకటించింది బీసీసీఐ. 58 కోట్ల రూపాయల నగదు బహుమతిని అందజేయనుంది. భారత జట్టు ప్లేయర్లు, హెడ్ కోచ్, బౌలింగ్ కోచ్, బ్యాటింగ్, కోచ్, మెడికల్ టీమ్.. ఇతర సపోర్టింగ్ స్టాఫ్‌కు ఈ మొత్తం అందుతుంది.

English summary

The BCCI has announced a cash reward of Rs 58 Crore for Team India after its ICC Champions Trophy 2025 triumph, recognizing the efforts of players, coaching staff, and selectors. ఛాంపియన్స్ ట్రోఫీని గెలుచుకున్నందుకు బీసీసీఐ భారత జట్టుకు 58 కోట్ల రూపాయల రివార్డు ప్రకటించింది.