India World Cup 2027 Schedule: ఐసీసీ ప్రపంచ కప్ 2027 షెడ్యూల్‌ వచ్చేసింది.. భారత్- పాకిస్థాన్ మ్యాచ్ అప్పుడే

క్రికెట్ ప్రేక్షకులు ఎప్పుడెప్పుడా అని ఎదురు చూస్తున్న ప్రతిష్టాత్మకమైన ఐసీసీ ప్రపంచ కప్ 2027 షెడ్యూల్‌ విడుదలైంది. ఈ మేరకు ఈ మేరకు 2027 వన్డే ప్రపంచ కప్ షెడ్యూల్‌ ను అంతర్జాతీయ క్రికెట్ కౌన్సిల్ (ఐసీసీ) గురువారం (అక్టోబర్ 1) ప్రకటించింది. దక్షిణాఫ్రికా, జింబాబ్వే, నమీబియా దేశాలు సంయుక్తంగా ఆతిథ్యం ఇస్తున్న 2027 వన్డే ప్రపంచ కప్ అక్టోబర్ 2న ప్రారంభం కానుంది. ఈ టోర్నీలో మొత్తం 14 జట్లు పాల్గొననున్నాయి. ఈ జట్ల మధ్య 12 వేర్వేరు వేదికలలో మొత్తం 57 మ్యాచ్‌ లు ఆడతారు. రెండుసార్లు డిఫెండింగ్ ఛాంపియన్‌ గా ఉన్న భారత జట్టు అక్టోబర్ 7వ తేదీన కేప్ టౌన్‌ లో డిఫెండింగ్ ఛాంపియన్ ఆస్ట్రేలియాతో తలపడనుంది.

ఆ తర్వాత భారత జట్టు అక్టోబర్ 10వ తేదీన చిరకాల ప్రత్యర్థి పాకిస్థాన్‌ తో తలపడుతుంది. ఈ మ్యాచ్ జోహన్నెస్‌బర్గ్‌ లో జరుగుతుంది. ఇక భారత్ మూడో మ్యాచ్ ‌ను అక్టోబర్ 14వ తేదీన ఆఫ్ఘనిస్తాన్‌ తో ఆడుతుంది. అలాగే అక్టోబర్ 17వ తేదీన క్వాలిఫైయర్ ఏ జట్టుతో తలపడుతుంది. భారత్ జట్టు చివరి గ్రూప్ దశ మ్యాచ్‌ ను అక్టోబర్ 24వ తేదీన జింబాబ్వేతో ఆడనుంది. ఇక 2027 ప్రపంచ కప్ మ్యాచ్‌ లు దక్షిణాఫ్రికా, జింబాబ్వే, నమీబియాలోని మొత్తం 12 వేదికల్లో జరుగుతాయి. దక్షిణాఫ్రికాలో ఎనిమిది, జింబాబ్వేలో మూడు, నమీబియాలో ఒక మ్యాచ్ జరగనుంది.

ఒకే గ్రూప్‌లో భారత్, పాకిస్థాన్

2027 వన్డే ప్రపంచ కప్ కోసం భారత్, పాకిస్థాన్ లను ఒకే గ్రూప్‌ లో ఉంచారు. గ్రూప్ ఏ లో భారత్, పాకిస్థాన్, ఆస్ట్రేలియా, ఆఫ్ఘనిస్తాన్, జింబాబ్వే, క్వాలిఫయర్ ఏ ఉన్నాయి. గ్రూప్ బీ లో బంగ్లాదేశ్, ఇంగ్లాండ్, దక్షిణాఫ్రికా, శ్రీలంక, న్యూజిలాండ్, క్వాలిఫయర్ బీ జట్లు ఉన్నాయి. ఇక 2027 వన్డే ప్రపంచ కప్, మొత్తం 14 జట్లలో అత్యల్ప ర్యాంకు కలిగిన మూడు జట్ల మధ్య జరిగే సూపర్ సిరీస్‌ తో స్టార్ట్ అవుతుంది. ఈ దశలో ఆ మూడు జట్లు ఒకదానితో ఒకటి ఒక్కో మ్యాచ్ ఆడతాయి. ఇలా మొత్తం మూడు మ్యాచ్‌ లు జరుగుతాయి. అత్యుత్తమ ప్రదర్శన కనబరిచిన జట్టు 12 జట్లతో కూడిన ప్రధాన గ్రూప్ దశకు చేరుకుంటుంది. మిగిలిన రెండు జట్లు నిష్క్రమిస్తాయి.

అయితే సూపర్ సిరీస్‌ లో పాల్గొనే మూడు జట్ల పేర్లను ఇంకా ఖరారు చేయలేదు. రెండుసార్లు ఛాంపియన్‌గా నిలిచిన వెస్టిండీస్, నమీబియాతో సహా 10 జట్లు పాల్గొనే క్వాలిఫయర్ టోర్నమెంట్ ద్వారా ఈ జట్లను నిర్ణయిస్తారు. ఇక ప్రపంచ కప్‌ లో పాల్గొనే 14 జట్లలో, సెప్టెంబర్ 30 నాటి క్వాలిఫికేషన్ కటాఫ్ నాటికి 10 జట్లు తమ స్థానాలను ఖరారు చేసుకుంటాయి. ఆతిథ్య దేశాలైన దక్షిణాఫ్రికా, జింబాబ్వేలకు ప్రపంచ కప్‌ లోకి నేరుగా ప్రవేశం లభించింది. మిగిలిన ఎనిమిది జట్లను వన్డే ర్యాంకింగ్‌ ల ఆధారంగా ఎంపిక చేస్తారు. భారత్, న్యూజిలాండ్, పాకిస్థాన్, ఆస్ట్రేలియా, ఇంగ్లాండ్, శ్రీలంక, ఆఫ్ఘనిస్థాన్, బంగ్లాదేశ్ ఇప్పటికే తమ స్థానాలను ఖరారు చేసుకున్నాయి. ఇక 2027 వన్డే ప్రపంచకప్ ఫార్మాట్ ప్రకారం చూస్తే.. ఈ టోర్నమెంట్‌ లో భారత్, పాకిస్థాన్ లు రెండుసార్లు తలపడే అవకాశం ఉంది. మొదట, రౌండ్-రాబిన్ దశలో, ఆ తర్వాత సూపర్ 7 దశలో. ఒకవేళ ఈ రెండు జట్లు తదుపరి దశకు చేరుకుంటే, భారత్, పాకిస్థాన్ లు మూడోసారి కూడా తలపడే అవకాశం ఉంది.