‘సిక్స్ కొట్టు.. ఐపీఎల్లో ఆడిస్తా’.. జైస్వాల్ మాటలకు శ్రీలంక స్టార్ బ్యాటర్ బలి! (వీడియో)
క్రికెట్లో స్లెడ్జింగ్ అనేది సర్వసాధారణమే. ప్లేయర్లు తరచుగా ప్రత్యర్థి జట్టును చికాకు పెట్టడానికి లేదా వారి ఏకాగ్రతను దెబ్బతీయడానికి మానసికంగా ఆటలు ఆడుతుంటారు. వారు మైదానంలో ప్రత్యర్థి ఆటగాళ్లను మాటలతో రెచ్చగొడతారు. ఆటగాడి ఏకాగ్రత దెబ్బతిన్నప్పుడు వారు వికెట్ తీస్తారు. దాంతో ఆ స్లెడ్జింగ్ విజయవంతమైనట్లుగా భావిస్తారు. గాలే టెస్ట్ చివరి రోజున యశస్వి జైస్వాల్ శ్రీలంక బ్యాటర్ నిరోషన్ డిక్వెల్లాను రెచ్చగొట్టి అతడి వికెట్ పడేలా చేసిన వీడియో ప్రస్తుతం సోషల్ మీడియాలో వైరల్గా మారింది. ఈ వికెట్తో మ్యాచ్ను కాపాడుకోవాలన్న శ్రీలంక చివరి ఆశలు కూడా ముగిసిపోయాయి. జైస్వాల్, డిక్వెల్లాల మధ్య జరిగిన ఈ వాగ్వాదం స్టంప్ మైక్లో రికార్డ్ అయింది.
నిజానికి శ్రీలంక బ్యాటర్ డిక్వెల్లా బ్యాటింగ్ చేయడానికి వచ్చినప్పుడు, యశస్వి జైస్వాల్ అతన్ని రెచ్చగొడుతూ, "దమ్ముంటే సిక్స్ కొట్టు! ఇక్కడ సిక్స్ కొడితే, నేను సంగ (కుమార్ సంగక్కర)తో మాట్లాడి నీకు ఐపీఎల్ కాంట్రాక్ట్ ఇప్పిస్తాను" అని అన్నాడు. దీనిని పదేపదే వినడంతో డిక్వెల్లా విసుగు చెంది ఓ పెద్ద షాట్ ఆడటానికి ప్రయత్నించాడు, కానీ ఔటయ్యాడు. ఔటైన వెంటనే యశస్వి జైస్వాల్ అతనితో, "నీకు ధైర్యం లేదు!" అని చెప్పగా.. భారత జట్టు మొత్తం సంబరాల్లో మునిగిపోయింది. యశస్వి జైస్వాల్, నిరోషన్ డిక్వెల్లా మధ్య జరిగిన సంభాషణ మొత్తం స్టంప్ మైక్లో రికార్డ్ అయింది.
ఐదో రోజు ఉదయం సెషన్లో భారత్ను కట్టడి చేయడానికి శ్రీలంక బాగా ఆడింది . కెప్టెన్ ధనంజయ డి సిల్వా, సోనాల్ దినూష అర్ధ సెంచరీలు సాధించి భారత స్పిన్ బౌలింగ్ను ధైర్యంగా ఎదుర్కొన్నారు. అయితే ఉదయం సెషన్ చివరిలో, జడేజా శ్రీలంక కెప్టెన్ ధనంజయ డి సిల్వాను షార్ట్ ఫైన్ లెగ్ వద్ద క్యాచ్ పట్టించి ఆ భాగస్వామ్యాన్ని ముగించాడు. ఈ వికెట్ పడటంతో అనుభవజ్ఞుడైన నిరోషన్ డిక్వెల్లా క్రీజులోకి వచ్చాడు. డిక్వెల్లా క్రీజులోకి రాగానే యువ భారత ఓపెనర్ యశస్వి జైస్వాల్ వికెట్ వెనుక నుంచి అతన్ని రెచ్చగొట్టడం ప్రారంభించాడు. లెగ్ సైడ్ వైపు సిక్సర్లు కొట్టమని అడగగా.. అతనికి డిక్వెల్లాతో తీవ్ర వాగ్వాదం జరిగింది. దీనికి డిక్వెల్లా 'అవును, కొడతాను సార్' అని స్లిప్ ఫీల్డర్తో బదులిచ్చాడు. ఆ తర్వాతి ఓవర్లోనే భారత ఫాస్ట్ బౌలర్ ప్రసిద్ధ్ కృష్ణ డిక్వెల్లాకు వరుసగా బౌన్సర్లు వేశాడు. ఆ శ్రీలంక బ్యాట్స్మెన్ ఫాస్ట్ బౌలర్పై దాడి చేయడానికి ప్రయత్నించగా, ఓ షార్ట్ బాల్ అతని బ్యాట్ అంచుకు తగిలి నేరుగా వికెట్ కీపర్ చేతుల్లోకి వెళ్లడంతో, అతని ఇన్నింగ్స్ త్వరగా ముగిసింది. డిక్వెల్లా 10 పరుగులకే ఔటయ్యాడు.
🚨 Mastermind Yashasvi Jaiswal got Niroshan Dickwella out 🚨
— Central Cricket (@arshdeep3444) August 19, 2026
Yashasvi Jaiswal 🗣️: Dickwella, you can’t hit a boundary. If you have the ability, try hitting a six over the wicketkeeper.
Niroshan Dickwella 🗣️: I’ll show you I can hit a six behind the wicketkeeper.
Meanwhile,… pic.twitter.com/j6T0BJzhlk
Click it and Unblock the Notifications
Sign in with Google