IPL 2026: పంజాబ్ కొంపముంచిన వరుణుడు.. బచాయించిన కేకేఆర్!
ఐపీఎల్ 2026 సీజన్లో వరుస విజయాలతో జోరు మీదున్న పంజాబ్ కింగ్స్కు వరుణుడు కళ్లెం వేసాడు. కోల్కతాలోని ఈడెన్ గార్డెన్స్ వేదికగా సోమవారం కోల్కతా నైట్రైడర్స్తో జరగాల్సిన పంజాబ్ మ్యాచ్ను మింగేసాడు. దాంతో గెలవాల్సిన 2 మ్యాచ్ పాయింట్లు పంజాబ్ కింగ్స్.. కోల్కతా నైట్రైడర్స్తో పంచుకోవాల్సి వచ్చింది.
ఈ మ్యాచ్కు వర్షం అంతరాయం కలిగించినప్పుడే పంజాబ్ కింగ్స్ కెప్టెన్ శ్రేయస్ అయ్యర్ తీవ్ర ఆగ్రహానికి లోనయ్యాడు. ఆకాశం వైపు చూస్తూ.. గట్టిగా అరిచాడు. ఇందుకు సంబంధించిన ఫొటోలు నెట్టింట వైరల్గా మారాయి. 'ఓరి దేవుడా..మాకు మాత్రమే ఎందుకు ఇలా'అని అడిగినట్లు ఎక్స్ప్రెషన్స్ ఇచ్చాడు.
ఎడతెరిపి లేని వర్షం కారణంగా మ్యాచ్ మొత్తం చిత్తడిగా మారడంతో కటాఫ్ సమయం వరకు వేచి చూసిన అంపైర్లు చివరకు ఆటను రద్దు చేస్తున్నట్లు ప్రకటించారు. ఇరు జట్లకు చెరో పాయింట్ కేటాయించారు. ఇక మ్యాచ్ ఆగిపోయే సమయానికి కేకేఆర్ 3.4 ఓవర్లలో 25 పరుగులు చేసింది.
ఈ మ్యాచ్లో టాస్ గెలిచి బ్యాటింగ్కు దిగిన కేకేఆర్కు పంజాబ్ కింగ్స్ జేవియర్ బార్ట్లెట్ దిమ్మతిరిగే షాకిచ్చాడు. రెండో ఓవర్లోనే ఫిన్ అలెన్, కామెరూన్ గ్రీన్లను కీపర్ క్యాచ్గా పెవిలియన్ చేర్చాడు. 3 బంతుల్లోనే రెండు వికెట్లు తీసిన పంజాబ్ ఈ మ్యాచ్పై గట్టి పట్టు సాధించింది. ఈ క్రమంలోనే మ్యాచ్ పూర్తిగా జరిగినా.. ఐదు ఓవర్ల ఆట నిర్వహించినా పంజాబ్ గెలిచేదని ఫ్యాన్స్ కామెంట్ చేస్తున్నారు.
ఏది ఏమైనా ఈ మ్యాచ్ కారణంగా కేకేఆర్ ఖాతాలో అప్పనంగా ఒక పాయింట్ వచ్చి చేరిందని ఫ్యాన్స్ సెటైర్లు పేల్చుతున్నారు. గత రెండు మ్యాచ్ల్లో చిత్తుగా ఓడిన కేకేఆర్.. తాజా మ్యాచ్ రద్దవ్వడంతో పాయింట్స్ టేబుల్లో ఒక స్థానం ఎగబాకి 8వ స్థానంలో నిలిచింది. మరోవైపు పంజాబ్ కింగ్స్ అగ్రస్థానాన్ని కైవసం చేసుకుంది.
యాదృశ్చికమో ఏమో కానీ గతేడాది కూడా కోల్కతాలోని ఈడెన్ గార్డెన్స్ వేదికగా పంజాబ్ కింగ్స్, కేకేఆర్ మధ్య జరిగిన మ్యాచ్ కూడా వర్షంతో తుడుచుకుపెట్టుకుపోయింది. ఆ మ్యాచ్లో పంజాబ్ కింగ్స్ బ్యాటింగ్ పూర్తవ్వగా.. కేకేఆర్ ఇన్నింగ్స్ సందర్భంగా వర్షం అంతరాయం కలిగించింది. కానీ తాజా మ్యాచ్లో 36.2 ఓవర్ల ఆటను వరణుడు మింగేసాడు.
-
IPL 2026: మలుపు తిప్పిన ఆర్చర్, తుషార్.. ఉత్కంఠ పోరులో రాజస్థాన్ రాయల్స్ విజయం! -
Shubman Gill: గిల్ రీఎంట్రీ ఎప్పుడు ? గుజరాత్ బిగ్ అప్డేట్ ..! -
మొదట్లోనే మునిగింది..!! -
CSK vs RCB: కొంపముంచిన నోబాల్.. చెన్నైని చిత్తు చేసిన ఆర్సీబీ! -
CSK vs RCB: ఓటమికి కారణమెవరంటే ? నిజాయితీగా చెప్పేసిన రుతురాజ్..! -
చెన్నై సూపర్ కింగ్స్ కు పొంచివున్న పెద్ద గండం: ఆర్సీబీ హీరో కమ్ బ్యాక్ -
ఇక పులులు, సింహాలతో కంపేరిజను వద్దయ్యో -
ఉచిత విద్యుత్, రూ. 25,000 ప్రసూతి సాయం: ఎక్కడ కొట్టాలో అక్కడ కొట్టిన విజయ్ -
ఏప్రిల్ 14న మేషరాశిలోకి సూర్యుడు.. వీరి పంట పండుతుంది! -
పాకిస్థాన్ లో బర్రెలకు డైపర్లు.. లేదంటే రోజుకు రూ.30 పన్ను కట్టాల్సిందే.. -
AP SSC & Inter Results 2026: టెన్త్, ఇంటర్ ఫలితాలు అప్పుడే-తేదీలు ఫిక్స్ ! -
today rashiphalalu: నేడు అద్భుత రాజయోగంతో పండుగ చేసుకునే రాశులు ఇవే
Click it and Unblock the Notifications
Sign in with Google