వెస్టిండీస్ సిరీస్‌లో నో ఛాన్స్.. మనసులోని మాటను బయటపెట్టిన బేబీ బాస్!
IND vs WI: భారత్, వెస్టిండీస్ జట్ల మధ్య జరుగుతున్న టీ20 సిరీస్‌లో టీమిండియా యువ సెన్సేషన్ వైభవ్ సూర్యవంశీకి తుది జట్టులో చోటు దక్కకపోవడం క్రికెట్ వర్గాల్లో తీవ్ర చర్చనీయాంశమైంది. ఐదు మ్యాచ్‌ల ఈ సిరీస్‌లో ఇప్పటివరకు 4 మ్యాచ్‌లు పూర్తి కాగా.. అన్నింటిలోనూ వైభవ్ సూర్యవంశీ బెంచ్‌కే పరిమితమయ్యాడు. ఆసియా క్రీడల్లో భారత జట్టులో కీలక పాత్ర పోషించిన ఈ 15 ఏళ్ల యువ కెరటాన్ని పక్కనపెట్టి టీమిండియా ప్రస్తుతం సంజూ శాంసన్, అభిషేక్ శర్మలతో ఓపెనింగ్ చేయిస్తోంది.
భారత్, వెస్టిండీస్ జట్ల మధ్య బెంగళూరు వేదికగా నేడు ఐదో టీ20 మ్యాచ్ జరగనుంది. 4 మ్యాచ్‌ల తర్వాత ఇరు జట్లు 2-2తో సమంగా ఉండటంతో ఈ సమరం నిర్ణయాత్మకంగా మారింది. అయితే ఈ కీలక మ్యాచ్ ముందు వైభవ్ సూర్యవంశీ ఇన్‌స్టాగ్రామ్‌లో పెట్టిన ఓ స్టోరీ నెట్టింట వైరల్‌గా మారింది. ఆసియా కప్ రైజింగ్ స్టార్స్ సమయంలో దిగిన ఫోటోను షేర్ చేస్తూ.. "స్టిల్ బిలీవింగ్(Still Believing)" అంటే 'ఇప్పటికీ నమ్ముతున్నాను' అని క్యాప్షన్ జోడించాడు. తుది జట్టులో అవకాశం రాకపోయినా తనపై తనకు నమ్మకం ఉందనే సందేశాన్ని ఆయన ఈ రెండు ముక్కల్లో స్పష్టం చేశాడు.
జట్టు కాంబినేషన్ కుదిరేలా వైభవ్ సూర్యవంశీని పక్కన పెట్టాల్సి వచ్చిందని నిపుణులు విశ్లేషిస్తున్నారు. ఆసియా క్రీడల్లో టీమిండియా ఓ బౌలర్‌ను తగ్గించి ఆడటంతో వైభవ్ సూర్యవంశీకి ఓపెనర్‌గా అవకాశం లభించింది. దాంతో సంజు శాంసన్ మూడో స్థానంలో, ఇషాన్ కిషన్ ఐదో స్థానంలో బ్యాటింగ్‌కు రావాల్సి వచ్చింది. కానీ వెస్టిండీస్‌తో టీ20 సిరీస్‌లో టీమిండియా యాజమాన్యం తమ రెగ్యులర్ బ్యాటింగ్ ఆర్డర్ కాంబినేషన్‌కే ప్రాధాన్యమివ్వడంతో వైభవ్ సూర్యవంశీకి అవకాశం దక్కలేదు.
కాగా 15 ఏళ్ల వయసులోనే ఇంగ్లాండ్ పర్యటనలో అంతర్జాతీయ టీ20 అరంగేట్రం చేసిన వైభవ్ సూర్యవంశీ.. ఇప్పటివరకు 8 టీ20 మ్యాచ్‌ల్లో భారత్‌కు ప్రాతినిధ్య వహించాడు. 186 స్ట్రైక్ రేట్, 30.75 సగటుతో మొత్తం 246 పరుగులు సాధించాడు. ఇంగ్లాండ్ పర్యటనలో ఆకట్టుకోలేకపోయినప్పటికీ.. ఆ తర్వాత జరిగిన జింబాబ్వే పర్యటనలో రెండు హాఫ్ సెంచరీలు సాధించి "ప్లేయర్ ఆఫ్ ది సిరీస్" అవార్డును కూడా గెలుచుకున్నాడు.
Vaibhav Sooryavanshi latest Instagram Story 👀#INDvWI https://t.co/eX9LhwiLAr
— CREX (@Crex_live) October 16, 2026
Click it and Unblock the Notifications
Sign in with Google
