చెట్ల కింద స్నానం చేస్తున్న గాలి!

ఇంటి నిండా భారీగా బంగారం, నగదు నింపుకుని సకల ఐశ్వర్యాలను అనుభవించిన కర్నాటక మాజీ మంత్రి, భారతీయ జనతా పార్టీ సీనియర్ శాసనసభ్యుడు గాలి జనార్ధన్ రెడ్డి ప్రస్తుతం చంచల్ గూడ జైలులో చెట్ల కిందే స్నానం చేస్తున్నాడు. గాలి జనార్ధన్ రెడ్డి, ఓబుళాపురం మైనింగ్ కార్పోరేషన్ డైరెక్టర్ శ్రీనివాస్ రెడ్డిని ఉంచిన బ్యారెక్ చాలా పెద్దగా ఉంటుంది. సుమారు 30 మంది ఖైదీలను ఉంచవచ్చు. ఇందులో వారికి బ్యారక్ లోపలే ప్రత్యేకంగా అటాచ్జ్ టాయిలెట్స్ ఉన్నాయి. వాటినే గాలి ఉపయోగిస్తున్నాడు. అయితే స్నానం చేయడానికి మాత్రం అందులో అవకాశం లేదు. దీంతో గాలి జనార్ధన్ రెడ్డి, శ్రీనివాస్ రెడ్డి ఆరు బయట చెట్ల కిందే స్నానం చేస్తున్నారట.

మరో విషయం గాలి జనార్ధన్ రెడ్డి అరెస్టయి వచ్చే సమయంలో తన వెంట రూ.30వేలను తీసుకు వచ్చాడట. శ్రీనివాస్ రెడ్డి సైతం రూ.20వేలు తీసుకు వచ్చాడట. దానిని జైలు అధికారులు ప్రిజనర్స్ ప్రాపర్టీ అకౌంట్‌లో ఉంచుతారు. దానిని ఉపయోగించుకొని వారు జైలు క్యాంటీన్‌లో తమకు ఇష్టమైనది కొనుగోలు చేసుకోవచ్చు. కానీ గాలి, శ్రీనివాస్ రెడ్డిలు మాత్రం వాటితో ఏమీ కొనుక్కోవటం లేదట. జైలు అధికారులు వారికి ఇచ్చిన రూ.2, రూ.5, రూ.10 టోకెన్ల ద్వారానే క్యాంటీన్ కోసం ఉపయోగిస్తున్నారట. కాగా నలభై నాలుగేళ్ల గాలి జనార్ధన్ రెడ్డి జైలుకు వచ్చినప్పుడు 93 కిలోలు, శ్రీనివాస్ రెడ్డి 103 కిలోలు ఉన్నారు. అయితే జైలులో వారు తీసుకునే ఆహారం వారు బరువును ప్రభావితం చేస్తుంది.

English summary

Gali Janardhan Reddy is use the attached toilet inside the chanchalguda jail but the problem is with the bath. Along with other prisoners, the two have to take bath out in the open under the trees.