ఊళ్లోవారితో ఆడిపాడిన చంద్రబాబు, ఫ్యామిలి(పిక్చర్స్)

By Srinivas

Published: Friday, January 16, 2015, 11:42 [IST]

హైదరాబాద్: ఆంధ్రప్రదేశ్ ముఖ్యమంత్రి నారా చంద్రబాబు నాయుడు బుధవారం నాడు సంక్రాంతి సంబరాలు తన స్వగ్రామం నారావారిపల్లెలో జరుపుకున్నారు.

ఈ సందర్భంగా ఆయనకు భారీ ఎత్తున అభిమానులు, కార్యకర్తలు, గ్రామస్థులు స్వాగతం పలికారు. చంద్రబాబు వారితో కలిసి వేడుకలు జరుపుకున్నారు.

ఈ సంక్రాంతి నుంచి ప్రతి పేదవాడి కుటుంబంలో ఆనందాలు వెల్లివిరియాలని, రైతులకు మేలు జరగాలని ముఖ్యమంత్రి చంద్రబాబు నాయుడు ఆకాంక్షించారు. బాబు నారావారిపల్లెలో కలియదిరిగారు. గ్రామస్థులతో ఆడిపాడారు.

సంక్రాంతి

తన స్వగ్రామమైన చిత్తూరు జిల్లా చంద్రగిరి మండలం నారావారిపల్లెలో సంక్రాంతి సంబరాలు జరుపుకోవడానికి చంద్రబాబు కుటుంబ సమేతంగా మంగళవారం రాత్రి వచ్చారు.

సంక్రాంతి

ఉదయం భోగి మంటలువేసి కుటుంబ సభ్యులతో కలసి గడిపిన బాబు, పల్లెలో ఉన్న ఎన్టీఆర్ విగ్రహానికి పూల మాలలువేసి నివాళులు అర్పించారు.

సంక్రాంతి

అక్కడ నుంచి తన తల్లిదండ్రుల సమాధుల వద్దకు కుటుంబ సమేతంగా వెళ్లి పూజలు చేసి నివాళులర్పించారు. మధ్యాహ్నం 3.30గంటల నుంచి తనను కలవడానికి వచ్చిన వారితో ఉల్లాసంగా గడిపారు.