‘మన శంకర వరప్రసాద్ గారు’ ఫైనల్ కలెక్షన్స్.. అనుకున్నదొక్కటి..

బాక్సాఫీస్ దగ్గర మెగాస్టార్ చిరంజీవి సత్తా ఏమిటో మన శంకర వర ప్రసాద్‌ గారు చిత్రం నిరూపించింది. మాస్ అండ్ ఫ్యామిలీ ఎంటర్టైనర్లు తీయడంలో స్పెషలిస్ట్ అయితే అనిల్ రావిపూడి దర్శకత్వంలో వచ్చిన ఈ సినిమా అనేక రికార్డులను సొంతం చేసుకుంది. సంక్రాంతి బరిలో జనవరి 12న విడుదలైన ఈ చిత్రం, 109 కేంద్రాల్లో 50 రోజులు ఆడింది. సంక్రాంతి పండగ కావడంతో కుటుంబ ప్రేక్షకులంతా ఈ సినిమా చూసేందుకు థియేటర్లకు తరలివచ్చారు.

రూ.305 కోట్లు రాబట్టింది

మెగాస్టార్ చిరంజీవి సరసన నయనతార నటించడం, విక్టరీ వెంకటేష్ ఒక పవర్ ఫుల్ స్పెషల్ రోల్‌లో మెరవడంతో సినిమాపై అంచనాలు పెరగడం, వాటిని అందుకోవడం జరిగింది. మొదటి రోజే ఈ మూవీ ప్రపంచవ్యాప్తంగా రూ.84 కోట్ల వసూళ్లను రాబట్టింది. సీనియర్ హీరోల చిత్రాల్లో అత్యధిక ఓపెనింగ్స్ సాధించిన సినిమాగా ఇది కొత్త రికార్డును సృష్టించింది. ప్రారంభం నుంచే పాజిటివ్ టాక్ రావడంతో వసూల్లు భారీగా వచ్చాయి.

మెగాస్టార్ కెరీర్‌లోనే బిగ్గెస్ట్ గ్రాసర్‌గా నిలిచిన వరప్రసాద్ గారు 57 రోజుల రన్ పూర్తి చేసుకునే సమయానికి బాక్సాఫీస్ వద్ద ప్రపంచ వ్యాప్తంగా రూ.304 నుంచి రూ.305 కోట్లు వసూలు చేసింది. ఇందులో మనదేశం నుంచి వచ్చినవి రూ.220 కోట్లు కాగా, విదేశాల నుంచి వచ్చినవి రూ.43 కోట్. ఈ చిత్రానికి దాదాపు రూ.180 కోట్లకు పైగా షేర్ వచ్చింది.

వ్యూస్ పరంగా సంచలనాలు

రూ.120 కోట్ల థియేట్రికల్ బిజినెస్ జరగ్గా, బాక్సాఫీస్ రన్ ముగిసే సమయానికి బయ్యర్లకు, నిర్మాతలకు రూ.70 కోట్ల నికర లాభాలు సంపాదించిపెట్టింది. థియేటర్లలో సందడి ముగించుకున్న ఈ చిత్రం ప్రస్తుతం 'జీ 5' ఓటీటీ వేదికగా స్ట్రీమింగ్ అవుతోంది. ఇక్కడ కూడా వ్యూస్ పరంగా సంచలనాలు సాధిస్తోంది. మెగాస్టార్ ఈ సినిమా తర్వాత విశ్వంభరను విడుదల చేయబోతున్నారు. అనంతరం బాబీ దర్శకత్వంలో నటించబోతున్న చిత్రంలో నటిస్తారు. ఇది మాఫియా నేపథ్యంలో నడిచే కథ అని, చిరు మాఫియా డాన్ పాత్ర చేయబోతున్నారని వార్తలు వస్తున్నాయి.

English summary

Chiranjeevi's Mana Shankaravara Prasad garu has earned Rs. 305 crores. This is the highest collection of Chiranjeevi's films.